ഭാര്യമാരോടും മക്കളോടും യാത്ര പറഞ്ഞ് ഇറങ്ങുമ്പോൾ ബഷി കുറച്ച് ഇമോഷണൽ ആയിരുന്നു... മഷൂറ ഇത്തവണ കുറച്ചധികം ഇമോഷണലായി... വീഡിയോ എടുത്തുകൊണ്ടിരിക്കുമ്പോഴും കരയുകയായിരുന്നു; സുഹാന കുറച്ച് സ്ട്രോങ് ആണ്... ബഷിയുടെ വീട്ടിൽ നിന്ന് ആരംഭിച്ച ഓൾ ഇന്ത്യൻ ട്രിപ്പിന്റെ വിശേഷങ്ങൾ പങ്കുവെച്ച് ബഷീർ ബഷി
![](https://www.malayalivartha.com/assets/coverphotos/w657/265828_1664617415.jpg)
സോഷ്യൽമീഡിയ വഴി താരമായ വ്യക്തിയാണ് ബഷീർ ബഷി. ബഷീർ ബഷിയെ പ്രേക്ഷകർ അടുത്തറിയാൻ തുടങ്ങിയത് ബഷീർ ബിഗ് ബോസിൽ മത്സരാർഥിയായി എത്തിയ ശേഷമാണ്. ബിഗ് ബോസ് മലയാളം ആദ്യമായി ആരംഭിച്ചപ്പോൾ ആദ്യത്തെ സീസണിൽ മത്സരാർഥികളായി എത്തിയവരിൽ ഒരാൾ ബഷീർ ബഷിയായിരുന്നു. മോഡൽ എന്ന നിലയിലാണ് ബഷീർ ബിഗ് ബോസിൽ മത്സരിക്കാനെത്തിയത്. ബിഗ് ബോസ് നാല് സീസണുകൾ പിന്നിട്ടെങ്കിലും എല്ലാ പ്രേക്ഷകർക്കും ഒരുപോലെ ഇഷ്ടമുള്ള ഒരു സീസൺ ആദ്യത്തെ സീസണാണ്. ബിഗ് ബോസിൽ വന്ന ശേഷമാണ് ആരാധകരുടെ കാര്യത്തിലും ബഷീർ വളരെ മുന്നിലായത്. നന്നായി കളിച്ച് മുന്നേറിയെങ്കിലും ബഷീർ ബഷിക്ക് ഫൈനൽ എത്തും മുമ്പെ പുറത്ത് പോകേണ്ടി വന്നിരുന്നു. ബിഗ് ബോസിൽ വന്നപ്പോഴാണ് തനിക്ക് രണ്ട് ഭാര്യമാരുണ്ടെന്ന വിവരവും ബഷീർ ബഷി പരസ്യപ്പെടുത്തിയത്. ബിഗ് ബോസിൽ നിന്ന് വന്നശേഷം സോഷ്യൽമീഡിയ വഴിയാണ് ബഷീർ വിശേഷങ്ങൾ പങ്കുവെക്കുന്നത്. ഇപ്പോഴിതാ അത്തരത്തിൽ പങ്കുവെച്ച ഒരു വീഡിയോയാണ് വൈറലാകുന്നത്. ഓൾ ഇന്ത്യ ട്രിപ്പിലാണ് ബഷീർ ബഷി. തന്റെ ഭാര്യമാരെയും മക്കളെയും വിട്ട് കുറച്ച് ദിവസത്തെ ഓൾ ഇന്ത്യ ട്രിപ്പിന് ഇറങ്ങിയ ബഷീറിന് ഭാര്യമാരായ സുഹാനയും മഷൂറയും നൽകുന്ന യാത്രയയപ്പ് വീഡിയോ സോഷ്യൽ മീഡിയയിൽ വൈറലാകുകയാണ്.
ബഷിയുടെ വീട്ടിൽ നിന്ന് ആരംഭിച്ച ഓൾ ഇന്ത്യൻ ട്രിപ്പിന്റെ വിശേഷങ്ങളാണ് ബഷീറിന്റെ വീഡിയോയിൽ പറയുന്നത്. ഭാര്യമാരോടും മക്കളോടും യാത്ര പറഞ്ഞ് ഇറങ്ങുമ്പോൾ ബഷി കുറച്ച് ഇമോഷണൽ ആയിരുന്നു. മഷൂറ ഇത്തവണ കുറച്ചധികം ഇമോഷണലായി. വീഡിയോ എടുത്തുകൊണ്ടിരിക്കുമ്പോഴും കരയുകയായിരുന്നു. എന്നാൽ, സുഹാന കുറച്ച് സ്ട്രോങ് ആണ്. വീടും വീട്ടുകാരെയും വിട്ട് ഇറങ്ങിയതിന്റെ ഒരു ലാഗ് തുടക്കത്തിൽ വീഡിയോയിൽ കാണാം. ചമ്മു എന്ന് വിളിക്കുന്ന സുഹൃത്തിനൊപ്പമാണ് താരത്തിന്റെ യാത്ര. യാത്ര കുറേ മുന്നോട്ട് പോയതിന് ശേഷമാണ് ആദ്യത്തെ ഡെസ്റ്റിനേഷൻ തീരുമാനിച്ചത്. ബാഗ്ലൂരിലെ നന്ദി ഹിൽസിൽ പോയി സൂര്യോദയം കാണുക എന്നാതാണ് ആദ്യത്തെ ലക്ഷ്യമെന്ന് ബഷി വീഡിയോയിൽ പറയുന്നുണ്ട്. അടുത്ത വീഡിയോയ്ക്കായി കാത്തിരിക്കുകയാണ് ആരാധകർ.
https://www.facebook.com/Malayalivartha