ക്യാമറയുടെ മുന്നില് പുള്ളിക്കാരി എങ്ങനെയാണെന്നറിയില്ലല്ലോ...ജനിച്ച് രണ്ടുമാസം തികയും മുന്പേ അച്ഛന്റെ സീരിയലില് മകളും, പെട്ടെന്നൊരു സിറ്റുവേഷന് വന്നത് കൊണ്ടാണ് വാവയെ അഭിനയിപ്പിക്കാന് തയ്യാറായതെന്ന് യുവ, കരച്ചിലും വാശിയുമില്ലാതെ ഷൂട്ട് പൂര്ത്തിയാക്കി ധ്വനി ബേബി...!
പ്രേക്ഷകര്ക്ക് ഏറെ പ്രിയപ്പെട്ട താരദമ്പതികളാണ് യുവ കൃഷ്ണയും മൃദുല വിജയിയും. മാസങ്ങൾക്ക് മുമ്പേയാണ് ഇരുവർക്കും മകൾ ജനിച്ചത്. ഇപ്പോഴിതാ ജനിച്ച് രണ്ടുമാസം തികയും മുന്പേ അച്ഛൻ ശ്രദ്ധ നേടിയ മഞ്ഞില് വിരിഞ്ഞ പൂവ് എന്ന സീരിയലില് ധ്വനി ബേബിയും അഭിനയിക്കുകയാണ്. പുതിയ വീഡിയോയിലൂടെയായാണ് ഇരുവരും സന്തോഷം പങ്കുവെച്ചത്.
മഞ്ഞില് വിരിഞ്ഞ പൂവില് സോനയുടെ മകളായാണ് ധ്വനി അഭിനയിക്കുന്നത്. ലൊക്കേഷനിൽ മൃദുല തന്നെയായിരുന്നു ധ്വനിയെ പരിചരിച്ചത്. ധ്വനിയുടെ ബാഗ് പാക്ക് ചെയ്തതിനെക്കുറിച്ച് മൃദുല കാണിച്ചിരുന്നു. അച്ഛന്റെയും മകളുടെയും ആദ്യ സീരിയലാണ് മഞ്ഞില് വിരിഞ്ഞ പൂവെന്ന് നമുക്ക് ഭാവിയില് പറയാമല്ലോയെന്നായിരുന്നു മൃദുല പറഞ്ഞത്.
വാവയെ ഇതിലേക്ക് കൊണ്ടുവരാമെന്ന് നമ്മള് പെട്ടെന്നാണ് തീരുമാനിച്ചത്. ഇതില് ഷൂട്ടിന് വേണ്ടി കൊണ്ടുവന്ന കുഞ്ഞുവാവ കുറച്ച് വലുതായി. അങ്ങനെ ന്യൂബോണ് ബേബിയെ തപ്പി നടക്കുകയായിരുന്നു ഇവര്. അങ്ങനെയാണ് സംവിധായകന് എന്നോട് വാവയെ കൊണ്ടുവരാമോയെന്ന് ചോദിച്ചത്. വാവ വന്നിട്ട് 36ാമത്തെ ദിവസമായതേയുള്ളൂ. ക്യാമറയുടെ മുന്നില് പുള്ളിക്കാരി എങ്ങനെയാണെന്നറിയില്ലെന്നും യുവ പറഞ്ഞിരുന്നു. കരച്ചിലും വാശിയുമൊന്നുമില്ലാതെ ധ്വനി ഷൂട്ട് പൂര്ത്തിയാക്കിയെന്നും യുവ പറഞ്ഞു.
36 ദിവസം പ്രായമുള്ള കുഞ്ഞിനെ ഷൂട്ടിനൊക്കെ കൊണ്ടുപോവാമോയെന്ന സംശയമൊക്കെ നിങ്ങളുടെ മനസിലുണ്ടായിരിക്കും. വാവയ്ക്ക് യാതൊരു ബുദ്ധിമുട്ടുമില്ലാതെയാണ് ചിത്രീകരിച്ചത്. പെട്ടെന്നൊരു സിറ്റുവേഷന് വന്നത് കൊണ്ടാണ് വാവയെ അഭിനയിപ്പിക്കാന് തയ്യാറായത്. എല്ലാവരും എപ്പിസോഡ് കാണണമെന്നും യുവ പറഞ്ഞിരുന്നു. നിരവധി പേരാണ് വീഡിയോയ്ക്ക് താഴെ കമന്റുകളുമായി എത്തിയത്. അച്ഛനേയും അമ്മയേയും പോലെ ധ്വനി മോളും ഒരുപാട് ഉയരങ്ങളിലെത്തട്ടെയെന്നായിരുന്നു കമന്റുകള്.
https://www.facebook.com/Malayalivartha
