ഷൈന് ടോം ചാക്കോ നായകനാകുന്ന 'വിചിത്രത്തിൽ' മാർത്തയായി കനി കുസൃതി! ക്യാരക്ടർ പോസ്റ്റർ പുറത്ത്... കാത്തിരിപ്പിന് ദിവസങ്ങൾ മാത്രം
ഷൈന് ടോം ചാക്കോ നായകനാകുന്ന 'വിചിത്രം' റിലീസിനൊരുങ്ങുന്നു. ഒക്ടോബര് പതിനാലിന് ചിത്രം തീയറ്ററുകളിലെത്തും. റിലീസ് പ്രഖ്യാപിച്ചുകൊണ്ട് പുതിയ പോസ്റ്ററും അണിയറപ്രവര്ത്തകര് പുറത്തിറക്കിയിരുന്നു. പേരുകൊണ്ടും പോസ്റ്ററിന്റെ പ്രത്യേകതകള് കൊണ്ടും ശ്രദ്ധേയമായ ചിത്രമാണ് 'വിചിത്രം'. അച്ചു വിജയനാണ് ചിത്രം സംവിധാനം ചെയ്യുന്നത്. ഇപ്പോൾ, ചിത്രത്തിൽ കനി കുസൃതി അവതരിപ്പിക്കുന്ന മാര്ത്ത എന്ന കഥാപാത്രത്തിന്റെ ക്യാരക്ടര് പോസ്റ്റര് പുറത്തിറങ്ങിയിരിക്കുകയാണ്. ലാല്, ബാലു വര്ഗീസ്, ജോളി ചിറയത്ത്, കനി കുസൃതി, കേതകി നാരായണ് തുടങ്ങി നിരവധി പേര് ചിത്രത്തിൽ വേഷമിടുന്നു. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയും അച്ചു വിജയനും ചേര്ന്നാണ് ചിത്രം നിര്മിക്കുന്നത്. ലാല്, ബാലു വര്ഗീസ്, ജോളി ചിറയത്ത്, കനി കുസൃതി, കേതകി നാരായണ് തുടങ്ങി നിരവധി പേര് ചിത്രത്തിന്റെ ഭാഗമാകുന്നുണ്ട്. നിഖില് രവീന്ദ്രനാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അര്ജുന് ബാലകൃഷ്ണനാണ് ഛായാഗ്രഹണം നിര്വഹിച്ചിരിക്കുന്നത്. ദീപക് പരമേശ്വരനാണ് പ്രൊഡക്ഷന് കണ്ട്രോളര്. അച്ചു വിജയന് തന്നെയാണ് ചിത്രം എഡിറ്റ് ചെയ്യുന്നത്. സൂരജ് രാജ് കോ ഡയറക്ടറായും ആര്. അരവിന്ദന് ക്രിയേറ്റീവ് ഡയറക്ടറായും പ്രവര്ത്തിക്കുന്നു. സുരേഷ് പ്ലാച്ചിമട മേക്കപ്പും ദിവ്യ ജോബി കോസ്റ്റ്യൂമും കൈകാര്യം ചെയ്തിരിക്കുന്നു.
https://www.facebook.com/Malayalivartha
