മലയാളികളുടെ പ്രിയ നടനാണ് മമ്മൂട്ടി. പ്രായം വെറും അക്കങ്ങൾ മാത്രമാണെന്ന് ഓരോ ദിനവും മലയാളികള്‍ക്ക് തെളിയിച്ച് കൊടുക്കുന്ന താരം സിനിമയിൽ എത്തിയിട്ട് അൻപത്തി ഒന്ന് വർഷങ്ങൾ പൂർത്തിയാക്കി കഴിഞ്ഞു. മമ്മൂട്ടിയുടേതായി പുറത്തുവരുന്ന ഫോട്ടോകളും വീഡിയോകളും സമൂഹമാധ്യമങ്ങളിൽ തരം​ഗമാകാറുണ്ട്. കഴിഞ്ഞ ദിവസം മാധ്യമപ്രവർത്തകർക്ക് ഒപ്പമുള്ള സെൽഫി ഫോട്ടോ മമ്മൂട്ടി പങ്കുവച്ചിരുന്നു. റോഷാക്ക് പ്രസ്മീറ്റിനിടെ പകർത്തിയ ചിത്രമായിരുന്നു. 'മീഡിയ ഫ്രണ്ട്സ്' എന്നാണ് ചിത്രത്തിന് മമ്മൂട്ടി നൽകിയിരിക്കുന്ന ക്യാപ്ഷൻ. ​ഗ്രേസ് ആന്റണി, ജ​ഗദീഷ് തുടങ്ങിയ താരങ്ങളും മമ്മൂട്ടിക്കൊപ്പം സെൽഫിയിൽ ഉണ്ട്. അതിനിടെ മറ്റൊരു സംഭവറും വൈറലായിരുന്നു. നിങ്ങള്‍ മമ്മൂട്ടിയോട് എനിക്കൊപ്പമുള്ള എക്സ്പീരിയന്‍സ് ചോദിക്കുമോ? വാര്‍ത്ത സമ്മേളനത്തില്‍ മാധ്യമപ്രവര്‍ത്തകരുടെ ചോദ്യത്തിന് നിഖില വിമലിന്റെ മറുപടി ഈ ചോദ്യമായിരുന്നു. നിഖിലയുടെ ചോദ്യം ഉള്‍ക്കൊണ്ട മാധ്യമപ്രവര്‍ത്തകര്‍ അത് മമ്മൂട്ടിയോട് ഉന്നയിച്ചു. പിന്നീട് ചിത്രത്തിലെ താരങ്ങളോടൊപ്പമുള്ള എസ്‌ക്പീരിയന്‍സിനെ കുറിച്ചും മമ്മൂട്ടി മറുപടി പറഞ്ഞു. ഗ്രേസ് ആന്റണിക്കൊപ്പവും ജഗദീഷിനൊപ്പവും കോട്ടയം നസീറീനുമൊപ്പം അഭിനയിച്ചപ്പോഴുള്ള എക്സ്പീരിയന്‍സാണ് മമ്മൂട്ടി പറഞ്ഞത്. ഇവര്‍ക്കൊപ്പമുള്ള എക്സ്പീരിയന്‍സൊക്കെ പറയുന്നതിരിക്കുന്നതാണ് ഭേദം എന്ന് പറഞ്ഞ് മമ്മൂട്ടി ചിരിച്ചു. ഞാന്‍ സഞ്ജു ശിവരാമന്റെ കൂടെ നിന്നിട്ട് പല കാര്യങ്ങളും പഠിച്ചിട്ടുണ്ട്. അത് പക്ഷേ പുറത്തുപറയാവുന്ന കാര്യങ്ങളല്ല. പിന്നെ ഗ്രേസ്. നമ്മള്‍ എന്ത് ചോദിച്ചാലും ഗ്രേസ് ഫുള്ളായിട്ടുള്ള മറുപടി പറയും. കൃത്യമായ ഒരു മറുപടി ഗ്രേസിന്റെ അടുത്തുണ്ടാകും. പിന്നെ ജഗദീഷ്, അറിയാമല്ലോ ബോക്സ് ഓഫ് നോളജ് ആണ്. നസീര്‍ പിന്നെ അനുകരണ കലയുടെ തമ്പുരാനാണ്. ‘ എന്നായിരുന്നു മമ്മൂട്ടിയുടെ മറുപടി.