ഉദാഹരണം സുജാത' എന്ന മഞ്ജുവാര്യര്‍ ചിത്രത്തിലൂടെ അഭിനയ രംഗത്തേക്ക് കടന്നു വന്ന യുവനടിയാണ് അനശ്വര രാജന്‍. കഴിഞ്ഞ വര്‍ഷം റിലീസായ 'തണ്ണീര്‍ മത്തന്‍ ദിനങ്ങള്‍' എന്ന ചിത്രത്തിലൂടെയാണ് അനശ്വര കൂടുതല്‍ ശ്രദ്ധ നേടിയത്.അതിന് ശേഷം അനശ്വര ശ്രദ്ധേയമായ ചില കഥാപാത്രങ്ങളെ അവതരിപ്പിച്ചിട്ടുണ്ട്.

ഇപ്പോള്‍ അനശ്വരയാണ് സൈബര്‍ സദാചാര ഗുണ്ടാ ആക്രമണത്തിന് ഇരയാകുന്നത്. അനശ്വരയുടെ പുതിയ ഫോട്ടോ ഷൂട്ട് ആണ് ഇന്‍സ്റ്റഗ്രാമിലെ സൈബര്‍ അക്രമികളെ പ്രകോപിപ്പിച്ചത്.പതിവുപോലെ തന്നെ അനശ്വരയുടെ വസ്ത്രധാരണമാണ് സൈബര്‍ സദാചാര ഗുണ്ടകളെ പ്രകോപിച്ചിരിക്കുന്നത്.

പതിനെട്ടാം പിറന്നാളിന് ഒരു ചിത്രം പോസ്റ്റ് ചെയ്തപ്പോള്‍ അത് വലിയ രീതിയില്‍ തന്നെ പ്രശ്‌നമായി മാറുകയും ചെയ്തിരുന്നു.ഇപ്പോഴിതാ താരത്തിന്റെ സിപ്പ് ഇടാത്ത ഷോര്‍ട്ട് ടോപ്പും ട്രെന്‍ഡിങ് പാന്റും ധരിച്ചുള്ള പുതിയ ബോള്‍ഡ് ഫോട്ടോകളും വളരെ പെട്ടെന്ന് ആരാധകര്‍ക്കിടയില്‍ തരംഗമായി പ്രചരിച്ചു കൊണ്ടിരിക്കുകയാണ്.

നിരവധി പേരാണ് ഈ ചിത്രത്തിന് താഴെയും കമന്റുകളുമായെത്തിയത്. 'മൊത്തം സൈബര്‍ ആങ്ങളമാര്‍ ആണല്ലോ ഇവിടെ. പൊന്നു ആങ്ങളമാരെ.. ആ കൊച്ചിന് 18 വയസ്സ് ആയിട്ടുള്ളു. അവള്‍ ഇട്ടിരിക്കുന്ന വസ്ത്രത്തിനു നിങ്ങള്‍ പ്രശ്‌നം കാണുന്നുണ്ടെങ്കില്‍ അതവള്‍ ഇട്ടിരിക്കുന്ന വസ്ത്രത്തിന്റെ കുഴപ്പം അല്ല. നിങ്ങളുടെ ഒക്കെ കണ്ണിന്റെ കുഴപ്പം ഒന്നുകൊണ്ട് മാത്രം ആണ്' , 'പ്ലേയ് ദി മ്യൂസിക്.. 'നന്മയുള്ള ലോകമേ ' തുടങ്ങിയ കമന്റുകള്‍ അനശ്വരയെ പിന്തുണച്ച് എത്തുന്നുണ്ട്.