ഞങ്ങൾ തമ്മിൽ ധാരണ കുറവൊന്നും ഇല്ല.. ഞങ്ങൾ ഒരു വീട്ടിലാണ് താമസിക്കുന്നത്.. ഒരു പ്രശ്നവുമില്ല.. നിങ്ങളായിട്ട് ഉണ്ടാക്കാതിരുന്നാൽ മതി.. രണ്ടുപേരും രണ്ട് നടന്മാരായിട്ട് പോകട്ടെ.. അതല്ലേ നല്ലത്! ദുൽഖറിന് പിന്നാലെ മമ്മൂട്ടിയുടെ പ്രതികരണം ഏറ്റെടുത്ത് ആരാധകർ
പ്രഖ്യാപനം തൊട്ടേ ചര്ച്ചയിലുള്ള ചിത്രമാണ് 'റോഷാക്ക്'. ഒടുവില് ചിത്രം എത്തിയപ്പോള് വലിയ ആഘോഷത്തോടെയാണ് പ്രക്ഷേകര് ചിത്രം ഏറ്റെടുത്തത് എന്നാണ് ആദ്യ പ്രേക്ഷക പ്രതികരണങ്ങള് വ്യക്തമാക്കുന്നത്. ആകാംക്ഷ വര്ദ്ധിപ്പിക്കുന്ന തരത്തിലാണ് ചിത്രത്തിന്റെ അവതരണവും, സാങ്കേതിക പരിചരണവും എന്നാണ് സോഷ്യല് മീഡിയ പ്രതികരണങ്ങളില് നിന്നും ലഭിക്കുന്നത്. സിനിമയുടെ പ്രമോഷനുമായി ബന്ധപ്പെട്ട് കഴിഞ്ഞ രണ്ട് ദിവസങ്ങളായി തിരക്കിലാണ് മമ്മൂട്ടി. ഒരു പ്രമോഷൻ പരിപാടിക്കിടെ ദുൽഖറിനെ കുറിച്ച് മമ്മൂട്ടി പറഞ്ഞ ചില കാര്യങ്ങളാണ് ഇപ്പോൾ വൈറലാകുന്നത്. ദുൽഖർ വന്നാൽ മമ്മൂട്ടിയെ കുറിച്ചും മമ്മൂട്ടി വന്നാൽ ദുൽഖറിനെ കുറിച്ചും മാധ്യമ പ്രവർത്തകർ ചോദിക്കാൻ മറക്കാറില്ല. ആ ചോദ്യങ്ങൾക്കിടയിൽ വളരെ നാളായി ക്ലീഷെയായി ചോദിക്കുന്ന ഒരു ചോദ്യമാണ് വാപ്പയും മകനും ഒന്നിച്ചുള്ള സിനിമയെന്ന് സംഭവിക്കുമെന്നത്. അടുത്തിടെ ദുൽഖറിനോട് ചോദിച്ചപ്പോൾ അത് വാപ്പിച്ചിയോട് ചോദിക്കണമെന്നാണ് ദുൽഖർ മറുപടി നൽകിയത്. ഇപ്പോഴിത വീണ്ടും പതിവ് ചോദ്യം വന്നപ്പോൾ വളരെ രസകരമായി മറുപടി നൽകിയിരിക്കുകയാണ് മമ്മൂട്ടി. 'ഞങ്ങൾ തമ്മിൽ ധാരണ കുറവൊന്നും ഇല്ല.' 'ഞങ്ങൾ ഒരു വീട്ടിലാണ് താമസിക്കുന്നത്. ഒരു പ്രശ്നവുമില്ല. നിങ്ങളായിട്ട് ഉണ്ടാക്കാതിരുന്നാൽ മതി. രണ്ടുപേരും രണ്ട് നടന്മാരായിട്ട് പോകട്ടെ. അതല്ലേ നല്ലത്. വരുമ്പോൾ നമുക്ക് ആലോചിക്കാം', മമ്മൂട്ടി പറഞ്ഞു. വാപ്പയുണ്ടാക്കിയ പേര് കളയാൻ വന്ന മകൻ എന്നാണ് പലരും ദുൽഖറിനെ സെക്കന്റ് ഷോ എന്ന ആദ്യ സിനിമ ചെയ്ത സമയത്ത് പരിഹസിച്ചത്. എന്നാൽ ആ പേരിന് പോറൽ പോലും ഏൽപ്പിക്കാതെ ഇന്ത്യൻ സിനിമയിലെ തന്നെ കഴിവുറ്റ യുവനടന്മാരിൽ ഒരാളായി മാറി പരിഹാസത്തിന് ദുൽഖർ മറുപടി നൽകി കൊണ്ടിരിക്കുകയാണ്.
https://www.facebook.com/Malayalivartha