ബാലതാരമായി സിനിമയിലെത്തിയ നടിയാണ് ഖുശ്ബു. ‘തോടിസി ബേവഫായി’ എന്ന ചിത്രത്തിലാണ് ആദ്യമായി വേഷമിട്ടത്. രജനികാന്ത്, കമല്‍ഹാസന്‍, സത്യരാജ്, പ്രഭു, മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങിയ താരങ്ങള്‍ക്കൊപ്പം നടി അഭിനയിച്ചിട്ടുണ്ട്. ഇപ്പോഴിതാ ഖുശ്‌ബു സുന്ദർ ശസ്ത്രക്രിയക്ക് വിധേയയായ റിപ്പോർട്ടുകളാണ് പുറത്ത് വരുന്നത്. ഖുശ്‌ബു തന്നെയാണ് സർജറി കഴിഞ്ഞ വിവരം ട്വിറ്റർ പോസ്റ്റിലൂടെ പ്രേക്ഷകരെ അറിയിച്ചത്. അടുത്തിടെ താരം ശരീര ഭാരം കുറച്ചതിന്റെ പേരിൽ വാർത്തകളിൽ ഇടം നേടിയിരുന്നു. 20 കിലോയോളം കുറച്ച് തീരെ മെലിഞ്ഞ രൂപത്തിലായിരുന്നു താരം സോഷ്യൽ മീഡിയയിൽ എത്തിയത്. ആശുപത്രിയില്‍ നിന്നുള്ള ഒരു ചിത്രം പങ്കുവച്ചായിരുന്നു താരത്തിന്റെ ട്വീറ്റ്. കോക്സിക്സ് അസ്ഥിയിൽ ശസ്ത്രക്രിയ കഴിഞ്ഞു എന്നാണ് ഖുശ്‌ബു പോസ്റ്റിൽ പറഞ്ഞിട്ടുള്ളത്. വീട്ടിൽ മടങ്ങിയെത്തി. രണ്ടു ദിവസം വിശ്രമം വേണം. അതിനു ശേഷം വീണ്ടും ജോലിയില്‍ സജീവമാകും” എന്നാണ് ഖുശ്ബുവിന്റെ ട്വീറ്റ്. ആരാധകരും സഹപ്രവര്‍ത്തകരുമടക്കം നിരവധിയാളുകളാണ് താരത്തിന്റെ രോഗവിവരം അന്വേഷിച്ച് കമന്റുകളുമായി എത്തുന്നത്.