തെന്നിന്ത്യയിൽ ഏറ്റവും കൂടുതൽ പ്രതിഫലം പറ്റുന്ന നായികയാണ് സാമന്ത ഇന്ന്. കരിയറിലെ ഏറ്റവും മികച്ച കാലഘത്തിലൂടെയാണ് താരം കടന്നുപോകുന്നത്. ഇന്ത്യയിലുടനീളം ശ്രദ്ധിക്കപ്പെട്ട സാമന്ത ബോളിവുഡിലും ചുവടുറപ്പിക്കാൻ ഒരുങ്ങുകയാണ്. നിരവധി അവസരങ്ങളാണ് താരത്തെ തേടിയെത്തുന്നത്. ആമസോൺ പ്രെെമിലിറങ്ങിയ ഫാമിലി മാൻ സീസൺ 2, അല്ലു അർജുൻ നായകനായ പുഷ്പയിലെ ഡാൻസുമാണ് നടിയുടെ കരിയർ മാറ്റിമറിച്ചത്. അതേസമയം, കുറച്ചു നാളുകളായി സാമന്തയുടെ വ്യക്തി ജീവിതവും വാർത്തകളിൽ ഇടം നെടുകയാണ്. തെലുങ്ക് സൂപ്പർ താരമായ നാഗാർജുനയുമായുള്ള വിവാഹമോചന വർത്തകളാണ് ഏറെ ചർച്ചയായത്. 2021 ലെ പുതുവർഷ ആഘോഷങ്ങൾക്ക് പിന്നാലെയാണ് ഇരുവരും പതിയെ അകന്ന് തുടങ്ങിയതും ഒടുവിൽ വേർപിരിയൽ പ്രഖ്യാപിച്ചതും. കഴിഞ്ഞ ഒക്ടോബർ രണ്ടിനാണ് രണ്ടു താരങ്ങളും അവരുടെ സോഷ്യൽ മീഡിയ അക്കൗണ്ടുകളിലൂടെ വേർപിരിയൽ പ്രഖ്യാപിച്ചത്.

അതേസമയം വേർപിരിയലിന് ശേഷം ബോളിവുഡിലടക്കം തന്റെ സാന്നിധ്യം അറിയിച്ച് കരിയറില്‍ ഉയരാന്‍ ശ്രമിക്കുകയാണ് നാഗ ചൈതന്യ. എന്നാല്‍ പ്രതീക്ഷിച്ചതിനെക്കാളും പരാജയമാണ് നടന്റെ ജീവിതത്തിലേക്ക് വരുന്നതെന്നാണ് പുതിയ റിപ്പോര്‍ട്ടുകളില്‍ നിന്നും വ്യക്തമാവുന്നത്. ഇതോടെ നാഗയുടെ ജീവിതം സംബന്ധിച്ചുള്ള പുത്തന്‍ ചില ചര്‍ച്ചകള്‍ക്കും തുടക്കം കുറിച്ചിരിക്കുകയാണ്. താങ്ക്യൂ എന്ന ചിത്രമാണ് അവസാനമായി തെലുങ്കില്‍ നാഗയുടേതായി റിലീസിനെത്തിയ ചിത്രം. ഇത് വലിയൊരു പരാജയമായി മാറി. അതിന് ശേഷം ബോളിവുഡില്‍ ലാല്‍ സിംഗ് ഛദ്ദ റിലീസ് ചെയ്തു. അതും പ്രതീക്ഷിച്ചത് പോലെ വിജയിച്ചില്ല. ഇതോടെ തുടര്‍ച്ചയായി പരാജയ സിനിമകള്‍ മാത്രം നാഗയുടെ പേരിലേക്ക് വന്ന് തുടങ്ങി. ഇനി വെങ്കട്ട് പ്രഭു ഒരുക്കുന്ന സിനിമയാണ് നടന്റേതായി വരാനിരിക്കുന്നത്. ഒന്നിലധികം ഭാഷകളില്‍ നിര്‍മ്മിക്കുന്ന സിനിമയുടെ ചിത്രീകരണം നടന്ന് കൊണ്ടിരിക്കുകയാണ്. എന്നാല്‍ മോശം പേരുകള്‍ കാരണം നാഗ ചൈതന്യയുടെ സിനിമകള്‍ കഷ്ടപ്പെടുകയാണെന്നും അതിനാല്‍ ആരാധകര്‍ നിരാശയിലാണെന്നുമാണ് പുതിയ വിവരം. സമീപകാലത്ത് നാഗയുടേതായി പുറത്തിറങ്ങിയ സിനിമകളുടെ ടൈറ്റിലുകളാണ് പ്രശ്‌നമായി ചിലര്‍ ചൂണ്ടി കാണിക്കുന്നത്. ചിത്രത്തില്‍ നിന്നും പുറത്ത് വരുന്ന ട്രെയിലറുകള്‍ ശ്രദ്ധേയമാണെങ്കിലും സിനിമയുടെ പേര് കാരണം അത് കാണാനുള്ള ആവേശം പ്രേക്ഷകര്‍ക്ക് ഉണ്ടാവുന്നില്ല.