2018 മുതലാണ് ആലിയ ഭട്ടും രണ്‍ബീറും പ്രണയത്തിലാവുന്നത്. ഇരുവരെയും ഒരുമിച്ച് കണ്ടത് മുതല്‍ ഗോസിപ്പ് പ്രചരിച്ചെങ്കിലും ആദ്യം വാര്‍ത്ത അഭ്യൂഹങ്ങളായി തുടര്‍ന്നു. എന്നാല്‍ പിന്നീട് വിവാഹത്തിനുള്ള ഒരുക്കങ്ങളിലേക്ക് എത്തിയത് മുതല്‍ താരങ്ങള്‍ വാര്‍ത്തകളില്‍ നിറഞ്ഞു. അങ്ങനെയാണ് 2022 ഏപ്രിലില്‍ ഇരുവരും വിവാഹിതരാവുന്നത്. മുംബൈയിലെ അപാര്‍ട്ട്‌മെന്റില്‍ വച്ച് വളരെ സ്വകാര്യമായിട്ടുള്ള ചടങ്ങിലാണ് താരവിവാഹം നടക്കുന്നത്. വിവാഹത്തിന് പിന്നാലെ അഭിനയത്തിലേക്ക് രണ്ടാളും മടങ്ങുകയായിരുന്നു. എന്നാൽ ആലിയ ജൂണ്‍ മാസത്തിലാണ് ഗര്‍ഭിണിയാണെന്ന് പറയുന്നത്. ആരാധകരെയും സഹപ്രവര്‍ത്തകരെയുമൊക്കെ അത്ഭുതപ്പെടുത്തി കൊണ്ടാണ് ആലിയ ഈ വാര്‍ത്ത പറഞ്ഞത്. ഇതോടെ വിവാഹത്തിന് മുന്‍പേ നടി ഗര്‍ഭിണിയായിരുന്നോ എന്ന സംശയവും ഉയര്‍ന്ന് വന്നു. അതായിരിക്കും താരങ്ങള്‍ പെട്ടെന്ന് വിവാഹം കഴിച്ചതെന്നടക്കം അഭ്യൂഹമെത്തി. ഒടുവില്‍ ഇതിനെല്ലാം മറുപടിയായി ആലിയയുടെ സഹോദരി ഷെഹീന്‍ ഭട്ട് എത്തിയിരിക്കുകയാണ്.

വിവാഹത്തിന് മുന്‍പ് ആലിയ ഗര്‍ഭിണിയായോന്നാണ് പലരും ചോദിക്കുന്നത്. 'ഞാന്‍ അവള്‍ക്ക് വേണ്ടി സംസാരിക്കില്ലെന്നാണ് സഹോദരി പറയുന്നത്. കാരണം അത് അവളുടെ സ്വന്തം യാത്രയാണ്. അവള്‍ കൈകാര്യം ചെയ്യുന്നതൊക്കെ അവളുടെ മാത്രം യാത്രകളാണ്. ആര്‍ക്കും എല്ലാവരെയും തൃപ്തിപ്പെടുത്തി ജീവിക്കാന്‍ സാധിക്കില്ല. എപ്പോഴും ഒന്നോ രണ്ടോ നെഗറ്റീവ് കമന്റുകള്‍ ഉണ്ടായേക്കും. പൊതുജനങ്ങളുടെ ശ്രദ്ധയില്‍ ജീവിക്കുന്നത് കൊണ്ട് എന്തിലൊക്കെ ശ്രദ്ധിക്കണം, ശ്രദ്ധിക്കരുത് എന്നൊക്കെയുള്ള കാര്യങ്ങള്‍ പരിശീലിച്ച് കഴിഞ്ഞു. ഈ വര്‍ഷം ഞങ്ങളുടെ കുടുംബത്തിന് ഒരു അത്ഭുത വര്‍ഷമാണെന്ന് പറയാം. കഴിഞ്ഞ വര്‍ഷം മുതലാണ് അത് തുടങ്ങുന്നത്. ഞങ്ങളുടെ ജീവിതത്തില്‍ കൂടുതല്‍ സന്തോഷം മാത്രമേയുള്ളു. അതിനായി കാത്തിരിക്കുകയാണെന്നും' ഷെഹീന്‍ ഭട്ട് പറയുന്നു.