കങ്കണ തന്റെ ബോളിവുഡ് സുഹൃത്തുക്കള്ക്ക നല്കിയ ദീപാവലി സന്ദേശം?

തന്റെ സുഹൃത്തുക്കളെ കുറിച്ച് പോലും പ്രകോപനപരമായ പ്രസ്താവനകള് നടത്തി വാര്ത്തകളില് ഇടം നേടാറുള്ള താരമാണ് കങ്കണ റണാവത്ത്. ഇന്സ്റ്റഗ്രാം സ്റ്റോറിയായി കങ്കണ ഷെയര് ചെയ്തിരിക്കുന്ന പോസ്റ്റ് ആണിപ്പോള് ചര്ച്ച ചെയ്യപ്പെടുന്നത്. കങ്കണ തന്റെ ബോളിവുഡ് സുഹൃത്തുക്കള്ക്ക നല്കിയ ദീപാവലി സന്ദേശമാണ് ഇപ്പോഴത്തെ ചര്ച്ചാവിഷയം. തന്റെ ബോളിവുഡ് സുഹൃത്തക്കളോട് പറയാന് ആഗ്രഹിക്കുന്നത് ഇതാണെന്ന് കങ്കണ പോസ്റ്റില് കുറിച്ചു.
സോഷ്യല് മീഡിയയില് പൊട്ടിച്ചിരിപ്പിക്കുന്ന കമന്റുമായി എത്തുന്ന സേവ്യര് എന്ന പ്രൊഫൈലിലെ ഒരു പോസ്റ്റ് പങ്കുവച്ചുകൊണ്ടാണ് നടി രംഗത്തെത്തിയിരിക്കുന്നത്. 'ഈ വര്ഷം ആരെയെങ്കിലും ഞാന് വേദനിപ്പിച്ചിട്ടുണ്ടെങ്കില് നിങ്ങള് അത് അര്ഹിക്കുന്നു' എന്നാണ് പോസ്റ്റ്.
'ഈ വര്ഷം അവസാനിക്കുമ്പോള് എന്റെ ബോളിവുഡ് സുഹൃത്തുക്കളോട് ഇതുപോലെ പറയാന് ഞാന് ആഗ്രഹിക്കുന്നു' എന്നാണ് പോസ്റ്റ് ഷെയര് ചെയ്ത് കങ്കണ കുറിച്ചത്. മറ്റ് ബോളിവുഡ് താരങ്ങള്ക്കെതിരെ കങ്കണ നിരന്തരം രംഗത്തെത്താറുണ്ട്.
ആലിയ ഭട്ട്, മഹേഷ് ഭട്ട്, കരണ് ജോഹര്, ഹൃത്വിക് റോഷന് എന്നിവര്ക്കെതിരെ കങ്കണ രംഗത്തെത്തിയിട്ടുണ്ട്. ആലിയ ഭട്ടിന്റെ 'ഗംഗുഭായ് കത്യവാടി' എന്ന സിനിമ റിലീസിന് മുമ്പ് 400 കോടി ചാരമാകും എന്നാണ് കങ്കണ പറഞ്ഞത്. സ്വജനപക്ഷപാതത്തിന്റെ പേരിലും കങ്കണ താരങ്ങള്ക്കെതിരെ രംഗത്തെത്താറുണ്ട്.
https://www.facebook.com/Malayalivartha























