കേരളത്തിൽ മാത്രമല്ല, ഉത്തരേന്ത്യയിൽപോലും ഹൗസ് ഫുള്ളായി പ്രദർശിക്കപ്പെടുന്ന ചിത്രമായി മാറിയിരിക്കുകയാണ് കാന്താര. കെ.ജി.എഫിന്റെ നിർമ്മാതാക്കളായ ഹോംബാലെ ഫിലിംസും, ഋഷഭ് ഷെട്ടിയും കൈകോർത്തപ്പോൾ പിറന്നത് ഒരു മറ്റൊരു പാൻ ഇന്ത്യൻ ഹിറ്റ്. ഈ സിനിമയിലെ ഹിറ്റായ സംഭാഷണം,  "ഞാൻ കൂടെ വരാം പക്ഷെ എന്റെ കൂടെ ഗുളികനും ഉണ്ടാകും, എന്നോട് ചതി ചെയ്താൽ ഞാൻ പൊറുത്തെന്നു ഇരിക്കും പക്ഷെ എന്റെ ഗുളികൻ പൊറുക്കില്ല". ഒരുവിധം എല്ലാ നിരൂപണങ്ങളിലും ഈ സംഭാഷണത്തെ ഉയർത്തി കാട്ടുന്നുമുണ്ട്.

കാന്താരിയുടെ പ്രതിഫലനം എന്നവണ്ണം കുടുംബ പര ദേവതയെ പറ്റിയാണ് സോഷ്യൽ മീഡിയയിലെ ചർച്ചകൾ കൊഴുക്കുന്നത്. ഇപ്പോൾ കങ്കണ റാവത്ത് എന്ന ബോളിവുഡ് നടിയുടെ കുലദൈവമാണ് ഏറ്റവും കൂടുതൽ ചർച്ച ചെയ്യപ്പെടുന്നതും. അതിനാധാരം ഒരു ഫേസ്ബുക് പോസ്റ്റാണ്. വിശ്വ വിശ്വ എന്ന പ്രൊഫൈലിന് കടപ്പാട് വച്ചാണ് ഇത് പ്രചരിക്കുന്നത്. എന്നാൽ ഈ ഐ ഡി ലോക്കഡ് ആണ്. എന്നാലും ഒന്നൊന്നര കുലദൈവം ആയി പോയി എന്നാണ് രസകരമായ ഈ പോസ്റ്റ് പറയുന്നത് .

പോസ്റ്റിന്റെ പൂർണ രൂപം :

കുലദേവത ക്ഷമിക്കും പക്ഷെ ഗുളികൻ ...
വീടും ഓഫീസും തകർക്കാൻ ഒത്താശ ചെയ്ത മുംബൈ സിറ്റി പൊലീസ് കമ്മീഷണർ ആയിരുന്ന പരംഭീർ സിംഗ് IPS ന്റെ ജോലിയും പോയി, ഇപ്പോ എവിടെ ഉണ്ടെന്ന് ആർക്കും അറിയില്ല അത്രേ...
അതിന് കൂട്ട് നിന്ന സച്ചിൻ വാസ് എന്ന ഇൻസ്പെകടർ ഇപ്പോൾ പണിയും പോയി ജയിലിൽ ആണ്...
മുംബൈ വിട്ട് ഈ ചേച്ചിയെ ഓടിക്കും എന്നു പറഞ്ഞ ശിവസേനക്ക് ഇപ്പോൾ മഹാരാഷ്ട്ര ഭരണം പോയത് മാത്രമാണോ നഷ്ടം. പതിറ്റാണ്ടുകളുടെ പാരമ്പര്യമുള്ള പാർട്ടി പിളർന്നു, പാർട്ടി ചിഹ്നം പോയി, അണികൾ പോയി, എന്തിന് പാർട്ടി മറ്റൊരാൾ കയ്യടക്കി മുഖ്യൻ ഉദ്ധവനെ പുറത്താക്കി പിണ്ഡം വച്ചു.
മുംബൈ വിട്ട് പോയില്ല എങ്കിൽ കങ്കണ രണവത്തിന്റെ ഭാവി ജയിലിൽ ആണ് എന്ന് പറഞ്ഞു നടന്ന ശിവസേന എം പി  യും വക്താവും ആയ സഞ്ജയ് റാവത്ത് ഇപ്പോൾ ജയിലിൽ ആണ്.
അതൊക്കെ പോട്ടെ, ഈ അന്ധവിശ്വസികളുടെ ഇൻഡ്യയിൽ അങ്ങനെ ഒക്കെ പറയും എന്നു കരുതാം...
ഏഴ് കടലിന്റെ അക്കരെ കിടക്കുന്ന നാട്ടിലെ ട്വിറ്റെർ എന്ന കമ്പനി ഇവരെ പിടിച്ചു പുറത്താക്കിയത് അവരുടെ അന്നത്തെ സി ഇ ഒ  പരാഗ് അഗർവാളും സേഫ്റ്റി സ്റ്റാൻഡേർഡ് നോക്കുന്ന ഇന്ത്യക്കാരി തന്നെ ആയ വിജയ് ഗഢ്‌ടെയും ചേർന്നാണ്. ഒരു മതിയായ കാരണം പോലും ഇല്ലാതെ അപമാനിച്ചു വിട്ടു.
ഇന്ന് അവർ 2 പേരെയും അതേ കമ്പനി അപമാനിച്ചു പടി ഇറക്കി വിട്ടു.
എന്നെ ദ്രോഹിച്ചവരോട് എന്റെ കുലദൈവം ചോദിക്കും എന്നാണ് ഇവർ പറഞ്ഞത് എന്നു നല്ല ഓർമ്മ ഉണ്ട്. എന്നാലും ഒന്നൊന്നര കുലദൈവം ആയി പോയി.