തന്റെ പ്രണയത്തെ കുറിച്ച് തുറന്ന് പറഞ്ഞ് മഞ്ജിമ മോഹന്
മലയാള സിനിമയില് ബാലതാരമായി വന്ന് നായികയായി വളര്ന്ന താരമാണ് മഞ്ജിമ മോഹന്. നിവിന് പോളിയുടെ നായികയായി ഒരു വടക്കന് സെല്ഫിയിലൂടെയാണ് സജീവമായി വീണ്ടും സിനിമാ രംഗത്ത് എത്തിയത്. ഇപ്പോള് ഇതാ താരം തന്റെ പ്രണയവിവരം സോഷ്യല് മീഡിയയിലൂടെ പങ്കു വച്ചിരിക്കുകയാണ്.
തമിഴ് നടന് ഗൗതം കാര്ത്തിക്കുമൊത്തുള്ള ചിത്രങ്ങള് പങ്ക് വച്ചാണ് പ്രണയ വിവരം അറിയിച്ചത്. ആദ്യം പ്രണയവിവരം പ്രചരിച്ചപ്പോള് മഞ്ജിമ അത് നിഷേധിച്ചിരുന്നു. ഗൗതവും അതേ കുറിച്ച് പ്രതികരിച്ചില്ല. എന്നാല് ഇപ്പോള് ആ സന്തോഷവാര്ത്ത അവര് തന്നെ പങ്ക് വച്ചിരിക്കുകയാണ്.
ജീവിതത്തില് എല്ലാം നഷ്ടപ്പെട്ട അവസ്ഥയില് കാവല് മാലാഖയായി വന്ന ആളാണ് ഗൗതമെന്നും ഞാന് എത്രമാത്രം അനുഗ്രഹിതയാണെന്ന് തിരിച്ചറിയാന് ഗൗതം എന്നെ സഹായിച്ചെന്നുമുള്ള അടിക്കുറിപ്പോടെയാണ് ചിത്രങ്ങള് പങ്ക് വച്ചിരിക്കുന്നത്. ജീവിതത്തെക്കുറിച്ചുള്ള തന്റെ കാഴ്ചപ്പാട് ഗൗതം മാറ്റിയെന്നും മഞ്ജിമ പറഞ്ഞു.
മീര നന്ദന്, സംയുക്ത മേനോന്, ജീവ, ആരതി തുടങ്ങിയ ഒട്ടേറെ താരങ്ങള് ആശംസകളുമായി രംഗത്ത് വന്നിട്ടുണ്ട്. സൗഹൃദം പിന്നെ പ്രണയത്തിലേക്ക് വഴിമാറുകയായിരുന്നുവെന്ന് ഗൗതം കാര്ത്തിക് അറിയിച്ചു.
മഞ്ജിമയും ഗൗതവും ഒന്നിച്ച് അഭിനയിച്ച ദേവരാട്ടം എന്ന ചിത്രത്തിന്റെ ഷൂട്ടിനിടയില് വച്ചാണ് ഇരുവരും പ്രണയത്തിലാകുന്നത്. തമിഴ് നടന് കാര്ത്തിക്കിന്റെ മകനാണ് ഗൗതം. മണിരത്നം സംവിധാനം ചെയ്ത കടല് എന്ന ചിത്രത്തിലൂടെയാണ് ഗൗതം തുടക്കം കുറിച്ചത്.
https://www.facebook.com/Malayalivartha
