തെലുങ്ക് സിനിമാ മേഖലയിലെ ലേഡി സൂപ്പര്‍സ്റ്റാറായ അനുഷ്ക ഷെട്ടി മനസ് തുറക്കുന്നു. ഒരു കാലത്ത് തൊട്ടതെല്ലാം പൊന്നാക്കിയ നടി കൂടിയായിരുന്നു അനുഷ്ക. നായിക പ്രാധാന്യമുള്ള സിനിമകള്‍ തിയറ്ററില്‍ എത്തിച്ച്‌ വിജയം നേടിയിട്ടുള്ള നടി കൂടിയാണ് അനുഷ്ക.

ചുരുങ്ങിയ കാലയളവില്‍ സൗത്ത് ഇന്ത്യന്‍ സിനിമയില്‍ തന്‍റെ പേരും അടയാളപ്പെടുത്തിയ അനുഷ്കയുടെ സ്വകാര്യ ജീവിത വിശേഷം അറിയാന്‍ എന്നും പ്രേക്ഷകര്‍ക്ക് താല്‍പര്യമാണ്. പ്രായം 41 ആയെങ്കിലും താരം ഇതുവരെയും വിവാഹിതയായിട്ടില്ല. അതിനാല്‍ തന്നെ പലപ്പോഴും അനുഷ്കയുടെ പേരിനൊപ്പം പല നടന്മാരുടെ പേരുകളും ചേര്‍ത്ത് ഗോസിപ്പുകള്‍ വരാറുണ്ട്.

ഏറ്റവും കൂടുതല്‍ തവണ അനുഷ്കയുടെ പേരിനൊപ്പം വാര്‍ത്തകളില്‍ നിറഞ്ഞിട്ടുള്ളത് പ്രഭാസിന്‍റെ പേരാണ്. പക്ഷെ അതെല്ലാം വെറും ഗോസിപ്പുകള്‍ മാത്രമായിരുന്നു. തന്‍റെ ജീവിതത്തില്‍ ഇതുവരെ ഒരു പ്രണയം മാത്രമെ സംഭവിച്ചിട്ടുള്ളൂവെന്ന് അനുഷ്ക തന്നെ ഒരിക്കല്‍ വെളിപ്പെടുത്തിയിരുന്നു.

"എനിക്ക് മുമ്ബ് ഏറ്റവും മനോഹരമായ ബന്ധം ഉണ്ടായിരുന്നു. 2008ലൊക്കെയായിരുന്നു ആ പ്രണയം. പക്ഷെ ആ വ്യക്തി ആരാണെന്ന് എനിക്ക് നിങ്ങളോട് പറയാന്‍ കഴിയില്ല. കാരണം അത് വളരെ വ്യക്തിപരമായ കാര്യമാണ്.

ഞങ്ങള്‍ ഒരുമിച്ചായിരുന്നെങ്കില്‍ ഞാന്‍ അവന്‍റെ ഐഡന്‍റിറ്റി വെളിപ്പെടുത്തുമായിരുന്നു. പിരിയാമെന്നത് ഞങ്ങള്‍ ഒരുമിച്ച്‌ എടുത്ത തീരുമാനമായിരുന്നു. പക്ഷെ എന്നെ സംബന്ധിച്ചിടത്തോളം അത് ഇപ്പോഴും വളരെ മാന്യമായ ഒരു ബന്ധമായി തുടരുന്നു. എന്നാല്‍ ഞാന്‍ വിവാഹം കഴിക്കുന്ന ദിവസം അത് തുറന്ന് പറയും' എന്നാണ് അനുഷ്ക ഒരു മാധ്യമത്തിന് നല്‍കിയ അഭിമുഖത്തില്‍ പറഞ്ഞത്.