ചെറിയൊരു ഇടവേളക്ക് ശേഷം മോണ്‍സ്റ്റര്‍ എന്ന ചിത്രത്തിലൂടെ ഗംഭീരമായ തിരിച്ചു വരവാണ് ഹണി റോസ് നടത്തിയിരിക്കുന്നത്. ഹണി റോസിന്റെ കരിയറിലെ ഏറ്റവും മികച്ച പ്രകടനമായാണ് ഇതിനെ വിലയിരുത്തുന്നത്. എന്നാല്‍ അടുത്ത കാലത്തായി ഹണി റോസ്റ്റിന്റെ നേരെ വലിയ തോതിലുള്ള ബോഡി ഷെയിമാണ് സോഷ്യല്‍ മീഡിയയില്‍ ഉയര്‍ന്നു വന്നത്.

തനിക്ക് നേരെ നടക്കുന്ന ബോഡി ഷെയിമിങിനെതിരെ നിയമപരമായി മുന്നോട്ട് പോകാനൊരുങ്ങുകയാണ് താരം. ബോഡി ഷെയിമിങിന്റെ ഭയാനകമായ വേര്‍ഷനാണ് തനിക്കെതിരെ നടക്കുന്നതെന്ന് ഹണി റോസ് പറയുന്നു. 'നെറ്റില്‍ സെര്‍ച്ച് ചെയ്തു നോക്കാറില്ല. ഇതില്‍ തനിക്ക് പ്രത്യേകിച്ച് ഒന്നും ചെയ്യാനില്ല. തന്നോടുള്ളത് ബോഡി ഷെയിമിന്റെ എക്‌സ്ട്രീം ലെവലിലാണ് ഇപ്പോള്‍ ഉള്ളത്. ഇതൊക്കെ എഴുതുന്നവര്‍ സ്വയം ചിന്തിക്കണം ഇത്രയും വേണമോ എന്ന്. ഒരു പോസിറ്റീവായ അന്തരീക്ഷത്തില്‍ ജീവിക്കുന്നതല്ലേ നല്ലത്. സമൂഹ മാധ്യമം ഉപയോഗിക്കുന്ന വളരെ കുറച്ചുപേര്‍ മാത്രമാണ് ഇത്തരം കാര്യങ്ങളൊക്കെ ചെയ്യുന്നത്.

തന്റെ കുടുംബത്തിലോ സുഹൃത്തുക്കള്‍ക്കിടയിലോ ഇങ്ങനെ ഒന്നും ചെയ്യുന്ന ആരുമില്ല. കമന്റ് ചെയ്യുന്ന പലരും ഫേക്ക് ആണ്. അവിടെയും ഇവിടെയും ഇരുന്നു കമന്റ് ഇടുന്നവരാണ് സമൂഹമാധ്യമത്തില്‍ നിറയെ. ഇത് അവസാനിക്കണമെന്ന് വല്ലാതെ ആഗ്രഹിക്കുന്നുണ്ട്. പക്ഷേ അത് എങ്ങനെയാണെന്ന് മാത്രം അറിയില്ല. ട്രിവാന്‍ഡ്രം ലോഡ്ജ് മുതല്‍ താന്‍ ഇത് കേള്‍ക്കുന്നുണ്ട്. ഇപ്പോള്‍ ഒരു പാന്റ് യൂസ് ചെയ്യുന്നു എന്നാണ് പറയുന്നത്. തനിക്ക് വളരെയധികം കംഫര്‍ട്ടബിള്‍ ആയതുകൊണ്ടാണ് താന്‍ അത് ധരിക്കുന്നത്', ഹണി റോസ് പറയുന്നു.