ശ്വേത ബച്ചനും മുത്തശ്ശി ജയാ ബച്ചനും തമ്മില്‍ സംസാരിക്കുന്ന ഒരു വീ‍ഡിയോ പോസ്റ്റ് ചെയ്തിരിക്കുകയാണ് അമിതാഭ് ബച്ചന്റെ ചെറുമകള്‍ നവ്യ നവേലി. രക്ഷാകര്‍തൃത്വവും ആധുനിക ബന്ധങ്ങളുമെല്ലാം ഇരുവരുടെയും ചര്‍ച്ചാ വിഷയമാകുന്നു. ഇപ്പോള്‍, ജയബച്ചന്റെ ചില ചോദ്യവും മകളും കൊച്ചുമകളും നല്‍കുന്ന ഉത്തരവുമാണ് സമൂഹമാദ്ധ്യമങ്ങളില്‍ വൈറലാവുന്നത്. ഇന്ത്യന്‍ സ്ത്രീകള്‍ സാരിയേക്കാള്‍ പാശ്ചാത്യ വസ്ത്രങ്ങള്‍ ധരിക്കുന്നത് എന്തുകൊണ്ടാണെന്നാണ് ജയാ ബച്ചന്റെ ചോദ്യം.

'എനിക്ക് നിങ്ങളോട് രണ്ടുപേരോടും ഒരു കാര്യം ചോദിക്കാനുണ്ട്, ഇന്ത്യന്‍ സ്ത്രീകള്‍ പാശ്ചാത്യ വസ്ത്രങ്ങള്‍ കൂടുതലായി ധരിക്കുന്നത് എന്തു കൊണ്ടാണ്?' എന്ന് ജയാ ബച്ചന്‍ ചോദിക്കുമ്ബോള്‍ 'നടക്കുന്നതിന് എളുപ്പം പാശ്ചാത്യ വസ്ത്രങ്ങള്‍ ധരിക്കുന്നതാണ്. സ്ത്രീകള്‍ ഇന്ന് വീട്ടിലിരിക്കുകയല്ലല്ലോ? ജോലി ചെയ്യുന്നവര്‍ക്ക് സാരി ഉടുക്കുന്നതിനേക്കാള്‍ പാന്റും ടീ-ഷര്‍ട്ടും അല്ലെങ്കില്‍ ഷര്‍ട്ടും പാന്റും ധരിക്കുന്നതാണ് എളുപ്പം' എന്ന് ശ്വേത ബച്ചനും ഉത്തരം നല്‍കുന്നു.

'പാശ്ചാത്യ വസ്ത്രങ്ങളെ ഇന്ത്യന്‍ സ്ത്രീകള്‍ അംഗീകരിച്ചു കഴിഞ്ഞു. അത് ഒരു സ്ത്രീക്ക് പുരുഷശക്തി നല്‍കുന്നു. എന്നാല്‍ ഒരു സ്ത്രീയെ സ്ത്രീശക്തിയില്‍ കാണാനാണ് തന്റെയും ആഗ്രഹം. എന്നാല്‍ കാലം മാറിയപ്പോള്‍ സൗകര്യാര്‍ത്ഥം പാന്റും ഷര്‍ട്ടും ധരിക്കാന്‍ തുടങ്ങി.

വ്യാവസായിക വിപ്ലവത്തോടെ, എല്ലാ പുരുഷന്മാരും യുദ്ധത്തിന് പോകുകയും സ്ത്രീകള്‍ ഫാക്ടറികളില്‍ ജോലി ചെയ്യാന്‍ തുടങ്ങുകയും ചെയ്തതോടെയാണ് പരമ്ബരാഗത വസ്ത്രങ്ങള്‍ ഉപേക്ഷിച്ച്‌ സ്ത്രീകള്‍ പാന്റ് ധരിക്കേണ്ടി വന്നതെന്നും അതല്ലെങ്കില്‍ ഭാരമേറിയ ജോലികള്‍ ചെയ്യാന്‍ സാധിക്കുമായിരുന്നില്ല' എന്നും ശ്വേത ബച്ചന്‍ പറയുന്നു.