നടൻ ബാലയുടെ ഭാര്യ എലിസബത്തുമായുള്ള രസകരമായ നിമിഷങ്ങൾ സോഷ്യൽ മീഡിയയിൽ പങ്കുവയ്ക്കാറുണ്ടായിരുന്നു. സോഷ്യൽ മീഡിയയിൽ സജീവമായ ബാല എന്നാൽ കഴിഞ്ഞ കുറച്ചു മാസങ്ങളായി എലിസബത്തുമായുള്ള വിഡിയോകൾ ഒന്നും ഇട്ടിരുന്നില്ല. എലിസബത്തിനെയും സോഷ്യൽ മീഡിയയിലും മറ്റും കാണാതായി. ഇതോടെ ഇരുവരും വേർപിരിഞ്ഞെന്നും ബാലയുടെ രണ്ടാം വിവാഹവും പരാജയമായി എന്ന തരത്തിൽ പ്രചാരണവുമായി. ഇപ്പോൾ ഈ പ്രചാരണത്തിന് വിരാമമിട്ടിരിക്കുകയാണ് ബാല.

'എലിസബത്ത് എന്നേക്കും എന്റേതാണ്' എന്ന തലക്കെട്ടോടെ എലിസബത്തിനൊപ്പമുള്ള വീഡിയോയാണ് ബാല പങ്കുവച്ചിരിക്കുന്നത്. 'എന്റെ കൂളിങ് ​ഗ്ലാസ് ഒരാൾ വന്ന് അടിച്ച് മാറ്റി.... അയാൾ ആരാണെന്ന് നിങ്ങൾക്ക് ഞാൻ കാണിച്ച് തരാമെന്ന്' പറഞ്ഞാണ് ബാല എലിസബത്തിനെ വീഡിയ്ക്ക് മുമ്പിലേക്ക് കൊണ്ടുവന്നത്. ശേഷം വിജയിയുടെ രഞ്ജിതമേ പാട്ടിനൊപ്പം ഇരുവരും ചുവടുവയ്ക്കുന്നതും വീഡിയോയിൽ കാണം. ബാലയുടെ കൂളിങ് ​ഗ്ലാസ് ധരിച്ചാണ് എലിസബത്ത് ന‍ൃത്തം ചെയ്യുന്നത്. ഈ വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്.

ബാലയെയും എലിസബത്തിനെയും വീണ്ടും ഒന്നിച്ച് കാണാൻ സാധിച്ച സന്തോഷമാണ് ആരാധകർ കമന്റിലൂടെ പങ്കുവച്ചിരിക്കുന്നത്. 'സന്തോഷമായി.... ഇതാണ് ഞങ്ങൾ കാത്തിരുന്ന നേരം ബാലയും എലിസബത്തും ഒരുമിച്ചുള്ള എൻട്രി അടിപൊളി.' 'ദൈവം നിങ്ങളെ അനുഗ്രഹിക്കട്ടെ, സന്തോഷമായി.. മച്ചാ.. ഒരുപാട് സന്തോഷം... അവസാനം ആ ചേർത്ത് നിർത്തൽ ഉണ്ടല്ലോ.. അതിലുണ്ട്.... ഒരിക്കലും കൈവിട്ട് കളയാതിരിക്കാനുള്ള വൈഫിന്റെ സ്നേഹം... എന്താണെന്ന് അറിയില്ലടോ... തന്നെ ഞങ്ങൾക്ക് വല്ലാത്ത ഇഷ്ടമാടോ', എന്നിങ്ങനെ പോകുന്നു കമന്റുകൾ.