മോഹന്ലാലിന്റെ കുടുംബത്തിനൊപ്പം വളര്ത്ത് മൃഗങ്ങളും...
മോഹന്ലാലും ഓമന മൃഗങ്ങളും ഒന്നിച്ചുള്ള ക്യാരിക്കേച്ചര് ശ്രേദ്ധനേടുന്നു. പ്രശസ്ത തിരക്കഥാകൃത്ത് സുരേഷ് ബാബു ഒരുക്കിയ ക്യാരിക്കേച്ചറാണ് വൈറലായി മാറിയിരിക്കുന്നത്. ഭാര്യക്കും മക്കള്ക്കും പുറമേ പത്തോളം വളര്ത്തു മൃഗങ്ങളും മോഹന്ലാലിനൊപ്പം ക്യാരിക്കേച്ചറില് ഇടംപിടിച്ചിട്ടുണ്ട്. ഒരു ഡോക്യുമെന്ററിയിലൂടെയാണ് ക്യാരിക്കേച്ചര് പ്രേക്ഷകരിലേക്ക് എത്തിച്ചിരിക്കുന്നത്.
മോഹന്ലാല് തന്നെയാണ് ഡോക്യുമെന്ററി പുറത്തുവിട്ടത്. ക്യാരിക്കേച്ചര് വരച്ച സുരേഷ് ബാബുവിന് മോഹന്ലാല് നന്ദി പറഞ്ഞാണ് വീഡിയോ ആരംഭിക്കുന്നത്. ഡോക്യുമെന്ററി പുരോഗമിക്കുന്നത് സുരേഷ് ബാബുവിന്റെ ശബ്ദത്തിലുമാണ്. മനോഹരമായ ക്യാരിക്കേച്ചര് വരച്ചു പൂര്ത്തിയാക്കുന്നതും വീഡിയോയില് കാണാന് സാധിക്കുന്നുണ്ട്.
എനിക്ക് വേണ്ടി നൂറൊന്നുമല്ല, അതില് കൂടുതല് ചിത്രങ്ങള് വരച്ചിട്ടുണ്ട്. ഇത് സുരേഷ് ബാബു വരച്ച പുതിയ ചിത്രമാണ്. എന്റെ കുടുംബവും വളര്ത്ത് മൃഗങ്ങളും. ഈ ചിത്രത്തില് തന്റെ വളര്ത്ത് മൃഗങ്ങളില് ഒരാളായ പൂച്ച ഉള്പ്പെടാനുണ്ട്. അതിനെ സുരേഷ് ബാബു വരച്ച് തരും എന്നാണ് പ്രതീക്ഷിക്കുന്നതെന്നും വീഡിയോയില് മോഹന് ലാല് പറയുന്നു.ജനത മോഷന് പിക്ചര് ആണ് ഡോക്യുമെന്ററി നിര്മ്മിച്ചിരിക്കുന്നത്. 'മോഹന്ലാല്' ഒരു ആവാസ വ്യൂഹം എന്ന ഡോക്യുമെന്ററിയുടെ ആശയവും സുരേഷ് ബാബുവിന്റേതാണ്.
https://www.facebook.com/Malayalivartha