ഐഡിയ സ്റ്റാർ സിംഗർ റിയാലിറ്റി ഷോ താരവും പിന്നണി ഗായകനുമായ ശ്രീനാഥ് ശിവശങ്കരന്റെ കല്യാണം കഴിഞ്ഞു. സംവിധായകൻ സേതുവിന്റെ മകളെയാണ് വിവാഹം കഴിച്ചത്. ഫാഷൻ ഡിസൈനിങ്ങിൽ ബിരുദാന്തര ബിരുദ വിദ്യാർഥിയാണ് അശ്വതി .

നടന്മാരായ മണിയന്‍പിള്ള രാജു, ജയറാം, ഇന്ദ്രൻസ്, റഹ്മാന്‍, സംവിധായകൻ ജോഷി, ടൊവിനോ തോമസ്, മംമ്ത മോഹൻദാസ്, രഞ്ജിനി ഹരിദാസ് തുടങ്ങി നിരവധി പ്രമുഖര്‍ വിവാഹത്തിൽ പങ്കെടുത്തു.

അശ്വതിയുടെയും ശ്രീനാഥിന്റെയും വിവാഹനിശ്ചയം നടന്നത് ഈ വർഷം മേയ് 26നായിരുന്നു.   ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ കൊച്ചി ഭാസ്കരീയം കൺവെൻഷൻ സെന്ററിൽ വച്ചായിരുന്നു വിവാഹം.

സംഗീതസംവിധാനത്തിലും ശ്രീനാഥ് പ്രവർത്തിക്കുന്നുണ്ട്. ഒരു കുട്ടനാടൻ ബ്ലോഗ്, സഭാഷ് ചന്ദ്രബോസ്, മേം ഹൂം മൂസ എന്നീ ചിത്രങ്ങള്‍ക്കു സംഗീതമൊരുക്കി. സ്വകാര്യ ചാനലിലെ റിയാലിറ്റി ഷോ വേദിയിലൂടെ പ്രിയങ്കരനായ വ്യക്തിയാണ് ശ്രീനാഥ്.