പത്താം വിവാഹവാര്‍ഷികത്തിന് പിന്നാലെ തന്നെ തേടിയെത്തിയ സന്തോഷ വാര്‍ത്ത ആരാധകരുമായി പങ്കുവച്ച് തെലുങ്ക് സൂപ്പര്‍ താരം രാം ചരണ്‍. താന്‍ അച്ഛനാകാന്‍ ഒരുങ്ങുകയാണെന്ന് ഒരു ട്വിറ്റര്‍ പോസ്റ്റിലൂടെ താരം അറിയിച്ചു. ഹനുമാന്‍ ജിയുടെ അനുഗ്രഹത്തോടെ ആദ്യത്തെ കണ്‍മണിക്കായി തയാറെടുക്കുകയാണെന്ന വാര്‍ത്ത പങ്കുവയ്ക്കുന്നുവെന്ന് രാം ചരണ്‍ ട്വിറ്ററില്‍ കുറിച്ചു. രാം ചരണിന്റെ പിതാവ് ചിരഞ്ജീവി പങ്കുവച്ച ചിത്രം റീ പോസ്റ്റ് ചെയ്തുകൊണ്ടാണ് താരം സന്തോഷവാര്‍ത്ത അറിയിച്ചത്. കേരളത്തില്‍ ഉള്‍പ്പെടെ നിരവധി ആരാധകരുള്ള തെലുങ്ക് താരമാണ് രാം ചരണ്‍. രാജമൗലി ചിത്രം ആര്‍ആര്‍ആര്‍ ബ്രഹ്‌മാണ്ഡ ഹിറ്റ് ആയതോടെ പാന്‍ ഇന്ത്യന്‍ തലത്തിലേക്ക് രാം ചരണിന്റെ പ്രശസ്തി ഉയരുകയായിരുന്നു.

സംരംഭകയും അപ്പോളോ ആശുപത്രി ശൃംഘലയുടെ ചെയര്‍മാന്‍ പ്രതാപ് റെഡ്ഡിയുടെ ചെറുമകളുമായ ഉപാസന കാമിനേനിയാണ് രാം ചരണിന്റെ ഭാര്യ. 2012 ജൂണ്‍ 14നായിരുന്നു ഇരുവരേയും വിവാഹം. കഴിഞ്ഞ ദിവസമാണ് ഇവർ ഒരു കുഞ്ഞിനായി കാത്തിരിപ്പിലായിരുന്നു എന്ന വാർത്തകൾ പുറത്ത് വരാൻ തുടങ്ങിയത്. എന്നാൽ അതല്ല സത്യം ഇവർ കുഞ്ഞുങ്ങളെ തന്നെ വേണ്ട എന്ന് വച്ചിരിക്കുകയായിരുന്നു എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. കോളേജ് പഠനകാലത്ത് ലണ്ടനിൽ വച്ച് കണ്ടുമുട്ടിയ ഇരുവരും സൗഹൃദത്തിലേക്കും പിന്നീട് പ്രണയത്തിലേക്കും എത്തുകയായിരുന്നു.

തുടർന്ന് 2012ൽ ആയിരുന്നു ഇവർ വിവാഹിതരാകുന്നതും. കുറച്ചു നാളുകൾക്ക് മുൻപ് പത്താം വിവാഹവാർഷികം ആഘോഷിച്ച ദമ്പതിമാർ കുട്ടികൾ വേണ്ട എന്ന തീരുമാനം കൊണ്ടും മാധ്യമങ്ങളിൽ നിറഞ്ഞു നിന്നിരുന്നു. ഇക്കഴിഞ്ഞ ജൂലൈയിൽ ആദ്ധ്യാത്മിക ആചാര്യൻ സദ്‌ഗുരുവുമായുള്ള അഭിമുഖത്തിൽ കുട്ടികൾ വേണ്ട എന്ന തങ്ങളുടെ നിലപാട് കുറ്റപ്പെടുത്തലുകൾക്ക് കാരണമാകുന്നു എന്ന് ഉപാസന സദ്ഗുരുവിനോട് തുറന്നു പറഞ്ഞിരുന്നു.

ഉപാസനയുടെ തീരുമാനം ശരിയാണ് എന്ന് സദ്ഗുരു മറുപടിയും നൽകി. നിങ്ങളുടെ തീരുമാനം വളരെ മികച്ച ഒന്നാണ് എന്നായിരുന്നു അദ്ദേഹം മറുപടി നൽകിയത്. ഇതും വാർത്തകളിൽ ഇടം പിടിച്ച കാര്യങ്ങളിൽ ഒന്നായിരുന്നു. മാത്രമല്ല കുട്ടികൾ വേണ്ട എന്ന തീരുമാനമെടുക്കുന്ന ആരോഗ്യവതികളായ എല്ലാ യുവതികൾക്കും താൻ ഒരു അവാർഡ് നൽകാൻ ആലോചിക്കുന്നു എന്നും അദ്ദേഹം പറയുകയുണ്ടായി. കുട്ടികൾ വേണ്ട എന്ന തീരുമാനമെടുക്കുന്ന ആരോഗ്യവതികളായ എല്ലാ യുവതികൾക്കും താൻ ഒരു അവാർഡ് നൽകാൻ ആലോചിക്കുന്നു എന്നും, അതൊരു വളരെ മികച്ച തീരുമാനം ആണെന്നുമായിരുന്നു സദ്ഗുരുവിന്റെ പ്രതികരണം. മനുഷ്യരുടെ എണ്ണം ലോകത്തിൽ വളരെ കൂടുതലാണ് എന്നതായിരുന്നു ഇതിനു കാരണമായി അദ്ദേഹം ചൂണ്ടിക്കാണിച്ചത്.

അതേ സമയം കഴിഞ്ഞവിവാഹ വാർഷികം ആഘോഷിക്കാൻ ഉള്ള രാം ചരണിന്റെയും ഭാര്യയുടെയും ആ യാത്ര സദ്ഗുരുവിന്റെ അടുത്തേക്കായിരുന്നോ എന്നാണ് ഇപ്പോൾ ആരാധകർ സംശയം പ്രകടിപ്പിക്കുന്നത്. സിനിമാ നടന്റെ ഭാര്യ എന്നതിലുപരി അറിയപ്പെടുന്ന ഒരു സംരഭകയുമാണ് ഉപാസന.ഹനുമാൻ ജിയുടെ അനുഗ്രഹത്തോടെ ഉപാസനയും രാം ചരണും അവരുടെ ആദ്യ കുഞ്ഞിനെ പ്രതീക്ഷിക്കുന്നു എന്ന കാര്യം പങ്കിടുന്നത് ചിരഞ്ജീവി ആയിരുന്നു.