'ഛയ്യ..ഛയ്യ..' എന്ന ഒറ്റ ഗാനത്തിലൂടെ ആരാധകരെ നേടിയ ബോളിവുഡ് താരമാണ് മലൈക അറോറ. ഇന്നും നിരവധി യുവ ആരാധകരുള്ള  താരമാണ് മലൈക. ഫാഷന്‍ ലോകത്തെ റാണിയാണ് മലൈക. വിവിധതരം ഫോട്ടോഷൂട്ടുകളിലൂടെ താരം എപ്പോഴും തിളങ്ങാറുണ്ട്. ഇപ്പോഴിതാ ഹോട്ട് സ്റ്റണിംഗ് ലുക്കില്‍ ഇന്റര്‍നെറ്റ് ചൂടു പിടിപ്പിക്കുകയാണ് താരത്തിന്റെ പുതിയ ഫോട്ടോഷൂട്ട്.  

നടി എന്നതിന് പുറമെ നര്‍ത്തകി, അവതാരക, മോഡല്‍  എന്നിങ്ങനെ പല വേഷങ്ങളിലും തിളങ്ങിയ വ്യക്തിയാണ് മലൈക അറോറ. സോഷ്യല്‍ മീഡിയയില്‍ സജ്ജീവമായ മലൈകയുടെ ചിത്രങ്ങളൊക്കെ ആരാധകര്‍ ആഘോഷമാക്കാറുമുണ്ട്.  ഫിറ്റ്നസിന്‍റെ കാര്യത്തിലും ഫാഷന്‍റെ കാര്യത്തിലും മലൈക അറോറയെ തോല്‍പ്പിക്കാന്‍ ആര്‍ക്കുമാകില്ല.

20 വയസുകാരനായ അര്‍ഹാന്‍ ഖാന്‍റെ അമ്മയാണെന്ന് പറയില്ലെന്നാണ് ആരാധകരുടെ അഭിപ്രായം. നാൽപതുകളിലും യുവനടിമാരെ വെല്ലുന്ന ഊർജത്തിനു പിന്നിൽ ചി‌‌‌ട്ടയായ ഡയറ്റിങ്ങും വർക്കൗട്ടുമാണെന്ന് താരം തന്നെ പറയാറുണ്ട്. 49-ാം വയസ്സിലും ഫിറ്റ്നസിന്‍റെ കാര്യത്തില്‍ യാതൊരു വിട്ടുവീഴ്ചയുമില്ലെന്ന് സൂചിപ്പിക്കുന്ന നിരവധി പോസ്റ്റുകള്‍ മലൈക സോഷ്യല്‍ മീഡിയയിലൂടെ പങ്കുവയ്ക്കാറുണ്ട്.

ഇപ്പോഴിതാ തന്‍റെ ഒരു ദിവസം തുടങ്ങുന്നത് ഒരു പാനീയം കുടിച്ചു കൊണ്ടാണെന്ന് പറയുകയാണ് മലൈക. ഇന്‍സ്റ്റഗ്രാം സ്റ്റോറിയിലൂടെ ആണ് താരം ഈ പാനീയത്തിന്‍റെ ചിത്രം പങ്കുവച്ചത്.  ഉലുവയും ജീരകവും രാത്രി ചെറുചൂടു വെള്ളത്തിൽ കുതിരാനായി ഇട്ട വെള്ളമാണ് താന്‍ രാവിലെ എഴുന്നേറ്റയുടൻ കുടിക്കുന്നതെന്നും പോസ്റ്റില്‍ മലൈക കുറിച്ചു.