കളക്ടറെ കുറിച്ച് മമ്മൂട്ടി പറഞ്ഞത്.... നല്ല ബെസ്റ്റ് മലയാളിയാണ് കലക്ടര്
ഗാനഗന്ധര്വ്വന് യേശുദാസിന്റെ 83ാം പിറന്നാളിനോടനുബന്ധിച്ച് യേശുദാസ് അക്കാദമി സംഘടിപ്പിച്ച ചടങ്ങില് കളക്ടറെ കുറിച്ച് മമ്മൂട്ടി പറഞ്ഞ വാക്കുകളാണ് ഇപ്പോള് വൈറലാകുന്നത്. എറണാകുളം കലക്ടര് രേണു രാജിനെപ്പറ്റിയാണ് മമ്മൂട്ടി പറഞ്ഞത്. രേണുരാജ് വളരെ മനോഹരമായാണ് മലയാളത്തില് സംസാരിച്ചതെന്നും മലയാളിയാണെന്ന് താന് അറിഞ്ഞിരുന്നില്ലെന്നും മമ്മൂട്ടി പറയുന്നു.
'കലക്ടര് മലയാളിയാണെന്ന് ഇപ്പോഴാണ് കേട്ടോ ഞാന് അറിയുന്നത്. നല്ല ബെസ്റ്റ് മലയാളിയാണ് കലക്ടര്. വളരെ മനോഹരമായാണ് അവര് സംസാരിച്ചത്. ഇങ്ങനെ ഒരാള് കലക്ടറായി വന്നതില് ഒരുപാട് സന്തോഷം. നമ്മുടെ ജില്ലയ്ക്ക് വലിയൊരു മുതല് കൂട്ടാകട്ടെ. അതൊരു സ്ത്രീ ശാക്തീകരണമാണ്. നമ്മള് അറിയാത്ത സിനിമയില് അഭിനയിക്കുന്ന ആരെങ്കിലും ആണോ എന്ന് ഞാന് ഇവിടെ ചോദിക്കുക ആയിരുന്നു.
മനോജ് കെ. ജയന് പറഞ്ഞപ്പോഴാണ് കലക്ടര് ആണെന്ന് അറിയുന്നത്.'മമ്മൂട്ടി പറഞ്ഞു. പ്രസംഗം നിര്ത്തിയപ്പോള് തന്നെ രേണു രാജിനോട് സോറി പറയുകയും പക്ഷേ സത്യസന്ധമായ കാര്യമാണ് വേദിയില് പറഞ്ഞതെന്ന് പറയുകയും ചെയ്തു.
കൊച്ചി പാടിവട്ടം അസീസിയ കണ്വന്ഷന് സെന്ററില് നടന്ന പരിപാടിയില് ഗായകരായ എം.ജി. ശ്രീകുമാര്, ഉണ്ണി മേനോന്, ബിജു നാരായണന്, സംഗീതസംവിധായകരായ വിദ്യാധരന് മാസ്റ്റര്, ശരത്, നടന്മാരായ മമ്മൂട്ടി, സിദ്ദിഖ്, മനോജ് കെ. ജയന് തുടങ്ങി നിരവധി പേര് പങ്കെടുത്തു.
https://www.facebook.com/Malayalivartha
