കല്യാണത്തിന് മുൻപ് ചെറുക്കന്റെ വീട്ടിൽ പോയാൽ കുഴപ്പമുണ്ടോ? ചെക്കന്കാണലുമായി നടി മാളവിക
നടിയും നര്ത്തകിയുമായ മാളവിക കൃഷ്ണദാസ് ആണ് ചർച്ചകളിൽ നിറയെ. റിയാലിറ്റി ഷോകളിലൂടെ ടെലിവിഷന് രംഗത്തേക്ക് കടന്നുവന്ന മാളവിക നായികാ നായികന് എന്ന ഷോയിലൂടെയാണ് കൂടുതല് പ്രശസ്തയാവുന്നത്. ഇപ്പോള് പരമ്ബരകളിലും ടിവി ഷോകളിലും സമൂഹമാദ്ധ്യമങ്ങളിലുമെല്ലാം സജീവമായ നടിയുടെ വിവാഹ വിശേഷങ്ങളാണ് മലയാളികള്ക്കിടയില് ചര്ച്ചയാവുന്നത്.
നായികാ നായികന് എന്ന ഷോയില് സഹതാരമായിരുന്ന തേജസുമായാണ് മാളവികയുടെ വിവാഹം ഉറപ്പിച്ചിരിക്കുന്നത്. തേജസുമായി നേരത്തെ പരിചയമുണ്ടെങ്കിലും വീട്ടുകാര് പറഞ്ഞുറപ്പിച്ച വിവാഹമാണിതെന്ന് മാളവിക വ്യക്തമാക്കിയിരുന്നു. തുടര്ന്ന് തന്റെ യൂട്യൂബ് ചാനലിലൂടെ പെണ്ണുകാണല് ചടങ്ങും മറ്റ് വിശേഷങ്ങളും നടി പങ്കുവയ്ക്കുകയും ചെയ്തു.
ഇതിന് ശേഷം മാളവിക പങ്കുവച്ച വീഡിയോ നടിയുടെ ആരാധകര് മാത്രമല്ല, സോഷ്യല് മീഡിയ മുഴുവന് ചര്ച്ചയായിരിക്കുകയാണ്. 'ചെക്കന് കാണല്' എന്ന തലക്കെട്ടോടെയാണ് നടി വീഡിയോ പങ്കുവച്ചത്. വിവാഹമുറപ്പിച്ചതിന് ശേഷം മാളവികയുടെ വീട്ടിലേക്ക് പയ്യനും വീട്ടുകാരും വന്ന് കണ്ടത് പോലെ തേജസിന്റെ വീട്ടിലേക്ക് മാളവികയും കുടുംബവും ചെല്ലുന്നതായിരുന്നു വീഡിയോയിലുണ്ടായിരുന്നത്.
സാധാരണയായി വിവാഹമുറപ്പിച്ചു കഴിഞ്ഞാല് പെണ്കുട്ടികള് വരന്റെ വീട്ടിലേക്ക് പോകാറില്ല. പെണ്കുട്ടിയുടെ വീട്ടുകാര് മാത്രമാണ് വരന്റെ വീടും സാഹചര്യവും നേരില് ചെന്ന് കണ്ട് അന്വേഷിക്കുക. 'വിവാഹത്തിന് ശേഷം മാത്രം പെണ്കുട്ടിയെ ചെക്കന്റെ വീട്ടിലേക്ക് കയറ്റുക' എന്ന കാലങ്ങളായി തുടരുന്ന 'നാട്ടുനടപ്പാണ്' മാളവികയുടെ വീഡിയോ പുറത്തുവന്നതോടെ ചര്ച്ചയാവുന്നത്.
വിവാഹത്തിന് ശേഷം താമസിക്കാന് പോകുന്ന വീടും പരിസരവും കാണാന് ഏറ്റവും അര്ഹതപ്പെട്ടയാള്ക്ക് ഒഴികെ ബാക്കിയെല്ലാവര്ക്കും അവസരം ലഭിക്കുന്നുവെന്നതാണ് കേരളത്തിലെ 'സോ കോള്ഡ് നാട്ടുനടപ്പ്'. കാലം മാറിയിട്ടും, വിദ്യാസമ്ബന്നരായ തലമുറ വന്നിട്ടും ഇക്കാര്യത്തില് പരിഷ്കാരം വന്നില്ലെന്നതാണ് യാഥാര്ത്ഥ്യം.
പ്രബുദ്ധത നാഴികയ്ക്ക് നാല്പതുവട്ടം വിളിച്ചോതുന്ന മലയാളികള് ഇപ്പോഴും പയ്യന്റെ വീട് വിവാഹത്തിന് മുമ്ബ് വധു കാണുന്നതിന് എതിരാണ്. സെലിബ്രിറ്റികള്ക്കിടയിലും സമ്ബന്നര്ക്കിടയിലും മാത്രം ഇത്തരം മാറ്റങ്ങള് വന്നുതുടങ്ങിയാല് മതിയോ എന്നും സാധാരണക്കാര്ക്കിടയില് ഈ മാറ്റം എന്ന് വന്നുതുടങ്ങുമെന്നും സോഷ്യല് മീഡിയയില് ചര്ച്ചയാവുകയാണ്. തന്റെ സബ്സ്ക്രൈബേഴ്സിനും ആരാധകര്ക്കും വേണ്ടി മാളവിക കൃഷ്ണദാസ് പങ്കുവച്ചതായിരുന്നു വീഡിയോ എങ്കിലും ചെക്കന്റെ വീടുകാണലിനെ കുറിച്ച് കേരളം മുഴുവന് ചിന്തിച്ചുകൊണ്ടിരിക്കുകയാണ്.
https://www.facebook.com/Malayalivartha
