ഏഷ്യാനെറ്റില്‍ സംപ്രേക്ഷണം ചെയ്തിരുന്ന ചന്ദനമഴ എന്ന സീരിയലിലെ വില്ലത്തി വര്‍ഷയെ അമ്മമാര്‍ എപ്പോഴും ഓര്‍ക്കും. അത്തരത്തിലായിരുന്നു സീരിയലില്‍ വില്ലത്തി വേഷത്തിലെത്തിയ നടി ഷാലു കുര്യന്റെ അഭിനയം. വര്‍ഷയെന്ന കഥാപാത്രം ഹിറ്റായതോടെ ചീത്തവിളിയും കുറ്റംപറച്ചിലുമൊക്കെ തനിക്കും കേള്‍ക്കേണ്ടി വന്നിട്ടുണ്ടെന്നാണ് നടി പറയുന്നത്. നാട്ടുകാര്‍ മാത്രമല്ല സ്വന്തം വീട്ടില്‍ നിന്നും അമ്മ പോലും വില്ലത്തി വേഷത്തെ പറ്റി കമന്റ് ചെയ്തിട്ടുണ്ടെന്ന് മുന്‍പൊരിക്കല്‍ ഷാലു പറഞ്ഞിരുന്നു. നടിയുടെ ഈ തുറന്ന് പറച്ചില്‍ വീണ്ടും വൈറലായതോടെ സീരിയലിനെ പറ്റിയുള്ള രസകരമായ കഥകള്‍ ചര്‍ച്ചയാവുകയാണ്.

സീരിയല്‍ കാണുമ്‌ബോള്‍ ഉള്ള ചീത്തവിളിയെ തനിക്ക് കിട്ടാറുള്ളു. വീട്ടില്‍ എന്റെ അമ്മ പോലും അങ്ങനെ ചോദിക്കാറുണ്ട്. നീയിത് എന്നാ പരിപാടിയാണ് കാണിച്ച് വെച്ചിരിക്കുന്നതെന്നാണ് അമ്മ ചോദിക്കാറുള്ളത്. പുറത്തേക്ക് ഇറങ്ങി കഴിഞ്ഞാല്‍ എന്നെ കാണുന്നവര്‍ ആദ്യമൊന്ന് അന്തിച്ച് നില്‍ക്കും. കാരണം സീരിയലിലെ എന്നെ കാണുമ്‌ബോള്‍ ഭയങ്കര സൈസ് ഉള്ള ആളായിട്ടാണ് തോന്നുക. നേരില്‍ കാണുമ്‌ബോള്‍ ചെറുതും. ഇത്രയേ ഉള്ളോ എന്ന് ചോദിച്ച് വരുമ്‌ബോഴെക്കും അവരുടെ മൈന്‍ഡ് മാറും. പിന്നെ ചീത്ത വിളിക്കാനുള്ള ചിന്തയൊക്കെ മാറിയിട്ടുണ്ടാവുമെന്ന് ഷാലു പറയുന്നു.

വീട്ടില്‍ പിന്നെ മേക്കപ്പൊന്നുമില്ലല്ലോ, മേക്കപ്പിടാതെ എന്നെ കണ്ടാല്‍ ഇങ്ങോട്ട് കഞ്ഞി വാങ്ങി തരും. സീരിയലില്‍ എന്തൊരു വില്ലത്തരമാണ്. ഇങ്ങനെ കണ്ടാല്‍ ഒന്നും പറയാന്‍ തോന്നുന്നില്ലല്ലോ, എന്നൊക്കെ ചോദിക്കുന്നവരുണ്ടെന്നും നടി വ്യക്തമാക്കുന്നു. എന്നാല്‍ വില്ലത്തരമാണ് എനിക്ക് ചേരുന്നതെന്ന് എന്റെ മുഖത്ത് തന്നെ എഴുതി വെച്ചിട്ടുണ്ട്. പിന്നെ കുശുമ്ബും കുന്നായ്മയും കാണിക്കാന്‍ എളുപ്പമാണ്.

സ്ഥിരം വില്ലത്തി വേഷം ചെയ്ത് തുടങ്ങിയതോടെ അത്തരം കഥാപാത്രങ്ങളിലേക്ക് മാത്രമാണ് എന്നെ വിളിക്കുന്നത്. ഇഷ്ടം പോലെ അവസരം വരുന്നുണ്ട്. പക്ഷേ എല്ലാം ഒരുപോലെയുള്ള കഥാപാത്രങ്ങളിലേക്കാണ്. ഇപ്പോള്‍ ഒരു നെഗറ്റീവ് ചെയ്യുന്നത് കൊണ്ട് ഇനി ഏതെങ്കിലും പോസിറ്റീവ് ചെയ്യാമെന്ന് പറഞ്ഞ് ആ അവസരം നിഷേധിക്കാറുണ്ട്. നേരത്തെ ഞാന്‍ പോസിറ്റീവ് ചെയ്തിട്ടുണ്ട്. എനിക്ക് അതിന് സാധിക്കുമെന്നും നടി കൂട്ടിച്ചേര്‍ത്തു.