ചിമ്പുവുമായുണ്ടായിരുന്ന പ്രണയത്തെക്കുറിച്ച് തുറന്ന് പറഞ്ഞ് ഹന്സിക
തെന്നിന്ത്യന് സിനിമകളില് വന് ജനപ്രീതി നേടിയ നടിയാണ് ഹന്സിക മോട്വാണി. ബാലതാരമായി ഹിന്ദി സനിമാ ലോകത്ത് എത്തിയതെങ്കിലും ഹന്സികയെ നായിക നടിയായി സ്വീകരിച്ചത് തെന്നിന്ത്യന് സിനിമാ ലോകമാണ്. മലയാളത്തില് വില്ലന് എന്ന സിനിമയിലും നടി അഭിനയിച്ചിട്ടുണ്ട്.
കഴിഞ്ഞ വര്ഷം ഡിസംബറിലാണ് ഹന്സികയുടെ വിവാഹം കഴിഞ്ഞത്. ഏറെ നാളായി പ്രണയത്തിലായിരുന്ന ബിസിനസ്കാരന് സൊഹൈല് കതൂര്യ ആണ് ഹന്സികയുടെ ഭര്ത്താവ്. ഇരുവരും നേരത്തെ ബിസിനസ് പങ്കാളികളായിരുന്നു. ഈ പരിചയം പ്രണയമായി മാറുകയായിരുന്നു.
രാജസ്ഥാനില് വെച്ച് ആഘോഷ പൂര്വം നടന്ന വിവാഹത്തില് അടുത്ത ബന്ധുക്കളും സുഹൃത്തുക്കളുമേ പങ്കെടുത്തിരുന്നുള്ളൂ. സിനിമാ രംഗത്ത് നിന്നാരും അതിഥികളായുണ്ടായിരുന്നില്ല. ഹന്സികയുടെ വിവാഹ സമയത്ത് ഭര്ത്താവിനെക്കുറിച്ചുള്ള വിവരങ്ങള് സോഷ്യല് മീഡിയകളില് വന്നിരുന്നു.
എന്നാല് ഡിസ്നി പ്ലസ് ഹോട്സ്റ്റാറില് ഹന്സികയുടെ വിവാഹ ദിവസങ്ങളുടെ സീരീസ് സ്ട്രീം ചെയ്യാന് പോവുകയാണ്. ഇതില് തന്റെ വ്യക്തിപരമായ ചില വിഷയങ്ങള് ഹന്സിക തുറന്ന് പറയുന്നുന്നുണ്ട്. ഹന്സികാസ് ലവ്, ശാദി, ഡ്രാമ എന്നാണ് ഷോയുടെ പേര്.
നടന് ചിമ്ബുവുമായുണ്ടായിരുന്ന പ്രണയ ബന്ധത്തെക്കുറിച്ച് സംസാരിച്ചിരിക്കുകയാണ് ഈ ഷോയില് ഹന്സികയിപ്പോള്. ഷോയുടെ പ്രൊമോ വീഡിയോയാണ് പുറത്ത് വന്നിരിക്കുന്നത്. അതേസമയം ചിമ്ബുവിന്റെ പേര് പരാമര്ശിച്ചിട്ടില്ല.
https://www.facebook.com/Malayalivartha
