സൗഭാഗ്യയെയും അമ്മ താര കല്യാണിനെയും അറിയാത്ത മലയാളികള്‍ ആരും തന്നെ കാണില്ല. സോഷ്യല്‍ മീഡിയയില്‍ സജീവമാണ് ഇരുവരും. അമ്മയുടെ ശിഷ്യന്‍ കൂടിയായ അര്‍ജുനെയാണ് സൗഭാഗ്യ വിവാഹം കഴിച്ചത്. സൗഭാഗ്യയുടേയും അര്‍ജുന്റേയും വീഡിയോകളും അഭിമുഖങ്ങളുമൊക്കെ സോഷ്യല്‍ മീഡിയയില്‍ വൈറലായി മാറാറുണ്ട്. ഇരുവരും പരസ്പരമുള്ള സ്‌നേഹം കൊണ്ടും തമാശകള്‍ പറഞ്ഞുമൊക്കെയാണ് ആരാധകരുടെ കയ്യടി നേടുന്നത്. ഈയ്യടുത്താണ് ഇരുവര്‍ക്കും കുഞ്ഞ് ജനിച്ചത്.

ഇപ്പോഴിതാ സൗഭാഗ്യ ഷെയര്‍ ചെയ്‌തൊരു വീഡിയോ സോഷ്യല്‍ മീഡിയയില്‍ ശ്രദ്ധനേടുകയാണ്. 'മകളെ ക്യാരി ബാഗിലാക്കി തന്റെ ജോലികള്‍ തീര്‍ക്കുന്നതാണ് വീഡിയോ. കുഞ്ഞിനെ ഉറക്കി കിടത്തിയപ്പോള്‍ മൂര്‍ഖന്‍ വന്നു. അതിന് ശേഷം ഒറ്റയ്ക്ക് കിടത്താന്‍ പേടിയാണ്. ഇപ്പോ ഞാന്‍ ഇങ്ങനെ കൊണ്ട് നടക്കലാണ്. നടുവ് കഴച്ച് ഒടിയുമെങ്കിലും കുഞ്ഞിന് ഇതിലും സുരക്ഷിതമായ മറ്റേത് സ്ഥലമാണ് ഉള്ളത്' എന്നാണ് സൗഭാഗ്യ ചോദിച്ചത്. അവളുടെ കരച്ചില്‍ കേട്ട് ജോലി ചെയ്യാന്‍ എനിക്ക് താല്‍പര്യമില്ല. കുറച്ച് അസൗകര്യം വന്നാലും അമ്മയുടെ നെഞ്ചിലാണല്ലോ എന്ന സമാധാനം തനിക്കുണ്ടെന്നും സൗഭാഗ്യ പറയുന്നു.

വീട്ടുജോലികളെല്ലാം ചെയ്യുന്നതിനിടയിലും മകളെ നെഞ്ചോട് ചേര്‍ത്ത് കിടത്തിയിരുന്നു സൗഭാഗ്യ. ഇങ്ങനെയാവുമ്പോള്‍ മോള്‍ നന്നായി ഉറങ്ങും. ഉറക്കി കിടത്തിക്കഴിഞ്ഞാല്‍ ഇത്രയും നേരമൊന്നും ഒരിക്കലും ഉറങ്ങില്ല. ഇതാവുമ്പോള്‍ എന്റെ കാര്യങ്ങളെല്ലാം കൃത്യമായി നടക്കും. നിരവധി പേരായിരുന്നു വീഡിയോയ്ക്ക് താഴെ കമന്റുകളുമായെത്തിയത്. നല്ല ഒരു അമ്മയാണ് സൗഭാഗ്യ എന്നായിരുന്നു കൂടുതല്‍ ആളുകളുടെയും കമന്റ്.