നീണ്ട ഇടവേളയ്ക്ക് ശേഷം ഭാവന മലയാള സിനിമയിലേക്ക്...
കുട്ടിത്തം നിറഞ്ഞ മുഖത്തോടുകൂടി മലയാളികളുടെ മനം കവര്ന്ന താരമാണ് ഭാവന. മലയാള സിനിമയില് ആറു വര്ഷത്തിന് ശേഷമാണ് ഭാവന വീണ്ടും സജീവമാകുന്നത്. ഭാവനയ്ക്ക് ആശംസകളുമായി സിനിമാ ലോകം, മാധവന്, കുഞ്ചാക്കോ ബോബന്, ജാക്കി ഷെറോഫ്, ജിതേഷ് പിള്ള, പാര്വതി തിരുവോത്ത്, മഞ്ജു വാര്യര്, ടൊവിനോ തോമസ് തുടങ്ങിയവരുടെ വീഡിയോ സന്ദേശം സോഷ്യല് മീഡിയയില് വൈറലായി.
ന്റിക്കാക്കാക്കൊരു പ്രേമണ്ടാര്ന്ന് എന്ന ചിത്രത്തിലൂടെയാണ് ഭാവന മലയാളത്തിലേക്ക് മടങ്ങിയെത്തുന്നത്. ആദില് മൈമുനത്ത് അഷ്റഫാണ് ചിത്രം സംവിധാനം ചെയ്യുന്നത്. ചിത്രത്തിന്റെ രചനയും എഡിറ്രിംഗും നിര്വഹിക്കുന്നതും സംവിധായകന് തന്നെയാണ്. ഷറഫുദ്ദിനാണ് ഭാവനയ്ക്കൊപ്പം കേന്ദ്രകഥാപാത്രത്തെ അവതരിപ്പിക്കുന്നത്. ബിജി ബാല് പശ്ചാത്തല സംഗീതം നിര്വഹിക്കുന്നു.
അരുണ് റുഷ്ദിയാണ് ഛായാഗ്രഹണം. വിനായക് ശശികുമാര് വരികള് എഴുതിയിരിക്കുന്നു. ബോണ്ബോമി എന്റര്ടെയ്ന്മെന്റ്സിന്റെ ബാനറില് റെനീഷ് അബ്ദുള് ഖാദര് ആണ് ചിത്രം നിര്മ്മിക്കുന്നത്. 2017ല് പുറത്തിറങ്ങിയ ആദം ജോണിലാണ് ഭാവന മലയാളത്തില് ഒടുവില് അഭിനയിച്ചത്. ഷാജി കൈലാസ്, ഭദ്രന് എന്നിവരുടെ ചിത്രങ്ങളാണ് ഭാവനയുടെ മലയാളത്തിലെ മറ്റ് പ്രോജക്ടുകള്.
https://www.facebook.com/Malayalivartha
