കൂറ്റന് അലങ്കാര ദീപം വീണുണ്ടായ അപകടത്തില് നിന്ന് തലനാരിഴയ്ക്ക് രക്ഷപ്പെട്ട് ഗായകന് എ.ആര്. അമീന്
ഗാനചിത്രീകരണത്തിനിടെ വേദിയിലേക്ക് കൂറ്റന് അലങ്കാര ദീപം വീണുണ്ടായ അപകടത്തില് നിന്ന് തലനാരിഴയ്ക്ക് രക്ഷപ്പെട്ട് ഗായകന് എ.ആര്. അമീന്. പ്രശസ്ത സംഗീത സംവിധായകന് എ.ആര്. റഹ്മാന്റെ മകനാണ് എ.ആര്. അമീന്. അമീന് ഗാനമാലപിക്കുന്നതിനിടെ കൂറ്റന് അലങ്കാരദീപം വേദിയിലേക്ക് പൊട്ടിവീഴുകയായിരുന്നു. അപകടത്തില് നിന്ന് രക്ഷിച്ചതിന് ദൈവത്തോട് നന്ദി പറയുന്നുവെന്ന് ഇന്സ്റ്റഗ്രാമില് പോസ്റ്റ് ചെയ്ത കുറിപ്പില് അമീന് പറഞ്ഞു.
മൂന്ന് ദിവസങ്ങള്ക്ക് മുമ്പ് ഒരു ഗാനത്തിന്റെ ചിത്രീകരണത്തിനിടെയാണ് സെറ്റിലുണ്ടായിരുന്നവരെ ഞെട്ടിച്ചുകൊണ്ട് അപകടം നടന്നത്. ഇന്ന് ജീവനോടെയിരിക്കാന് കാരണമായ സര്വശക്തന്, അച്ചനമ്മമാര്, കുടുംബാംഗങ്ങള്, അഭ്യുദയകാംക്ഷികള്, ആത്മീയ ഗുരു എന്നിവരോട് നന്ദിയറിയിക്കുന്നു എന്ന് അമീന് പറയുന്നു.
ക്രെയിനില് തൂക്കിയിട്ടിരുന്ന അലങ്കാര ദീപങ്ങള് ഒന്നടങ്കം വേദിയിലേക്ക് തകര്ന്നു വീഴുകയായിരുന്നു. ഈ സമയം വേദിയുടെ നടുക്കായിരുന്നു അമിന് ഉണ്ടായിരുന്നത്. ഇഞ്ചുകള് അങ്ങോട്ടോ ഇങ്ങോട്ടോ മാറിയിരുന്നുവെങ്കില് സെക്കന്ഡുകള് ഒരല്പം നേരത്തെയാവുകയോ വൈകുകയോ ചെയ്തിരുന്നുവെങ്കില് മുഴുവന് സാധനങ്ങളും ഞങ്ങളുടെ തലയില് വീഴുമായിരുന്നു. അമീന് കുറിച്ചു.
https://www.facebook.com/Malayalivartha
