ബഷീർ ബഷിയുടെ കുടുംബത്തിൽ കുറച്ച് ദിവസങ്ങൾക്ക് മുൻപാണ് ഒരു കുഞ്ഞു വന്നത്. ഗർഭിണിയാണെന്ന് അറിഞ്ഞത് മുതൽ എല്ലാ വിശേഷങ്ങളും മഷൂറ സോഷ്യൽമീഡിയയിൽ പങ്കുവെക്കാറുണ്ടായിരുന്നു. കുഞ്ഞ് പിറന്നതും വീട്ടിലെത്തിയ വിശേഷം ഉൾപ്പെടെ ബഷീർ ബഷിയും പങ്കുവെച്ചിരുന്നു. മുഹമ്മദ് എബ്രാൻ ബഷീർ എന്നാണ് കുഞ്ഞിന് പേരിട്ടിരിക്കുന്നത്. ഇപ്പോഴിത മകൻ എബ്രുവിന്റെ ഡെയ്ലി റൊട്ടീൻ വിശേഷങ്ങളാണ് മഷൂറ പങ്കുവെച്ചിരിക്കുന്നത്. മകന് വേണ്ടി മഷൂറയും ബഷീറും ചേർന്ന് തുടങ്ങിയ യുട്യൂബ് ചാനൽ വഴിയാണ് മകന്റെ വീഡിയോകൾ മഷൂറ പങ്കുവെക്കാറുള്ളത്. ബഷീറിന്റെ മറ്റ് രണ്ട് മക്കൾക്കും ഉള്ളതുപോലെ തന്നെ മഷൂറയുടെ കുഞ്ഞിനും പിറന്ന് വീണ അന്ന് തന്നെ ഇൻസ്റ്റ​ഗ്രാം, യുട്യൂബ് അടക്കമുള്ള സോഷ്യൽമീഡിയ പേജുകൾ തുറന്നിരുന്നു. മുഹമ്മദ് എബ്രാന്റെ ഒരാഴ്ച പ്രായമുള്ള ഇൻസ്റ്റ​ഗ്രാം പേജിന് ഇതുവരെ എഴുപതിനായിരത്തിന് മുകളിൽ ഫോളോവേഴ്സിനെ ലഭിച്ച് കഴിഞ്ഞു. വീഡിയോ ചെയ്യുന്നതിന്റെ പേരിൽ എന്റെ ഫാമിലിയിൽ നിന്നും പുറത്ത് നിന്നും വീഡിയോ കാണുന്നവരിൽ നിന്നുമെല്ലാം കമന്റുകൾ വരുമെന്ന് എനിക്കറിയാം പക്ഷെ ഞാൻ അത് സ്വീകരിക്കുന്നില്ല. അവരുടെ വാക്ക് കേട്ടാൽ എന്റെ ബേബിയുടെ നല്ല മെമ്മറികൾ എനിക്ക് നഷ്ടമാകുമെന്നും മഷുറ പറഞ്ഞു.

പിറന്ന് വീണ കുഞ്ഞിന് യുട്യൂബ് ചാനലും ഇൻസ്റ്റ​ഗ്രാം പേജും തുറന്നതിന്റെ പേരിൽ ബഷീറിനും കുടുംബത്തിനും വിമർശനവും കേൾക്കേണ്ടി വന്നിരുന്നു. സിസേറിയൻ ആയിരുന്നതിനാൽ വിശ്രമത്തിലാണ് മഷൂറ. 'പലരും ഞങ്ങൾ വീഡിയോയും ഫോട്ടോയും ഷെയർ ചെയ്തപ്പോൾ ചോദിച്ചിരുന്നു കുഞ്ഞിന് കണ്ണ് തട്ടില്ലെ ഇത്തരത്തിൽ വീഡിയോ പങ്കുവെച്ചാലെന്ന്. അതിലൊന്നും ഞാൻ വിശ്വസിക്കുന്നില്ല. അവന്റെ രക്ഷക്ക് വേണ്ടി ഞാൻ എപ്പോഴും ഖുറാൻ ഓതാറുണ്ട്. അവനെ സ്നേഹിക്കുന്ന ഒരുപാട് ആളുകളുടെ ദുആയും അവന് കിട്ടുന്നുണ്ടെന്നും താരം പറഞ്ഞു.