കഴിഞ്ഞ ദിവസം കരൾ സംബന്ധമായ രോ​ഗത്തെ തുടർന്ന് ആശുപത്രിയിൽ പ്രവേശിപ്പിച്ച നടൻ ബാലയുടെ ആരോ​ഗ്യസ്ഥിതി മെച്ചപ്പെട്ട് വരികയാണെന്ന് താരവുമായി ബന്ധപ്പെട്ട വൃത്തങ്ങൾ അറിയിക്കുന്നത്. ബാലയെ കുറിച്ച് സുഹൃത്തുക്കൾ കൂടുതൽ വിവരങ്ങൾ പുറത്ത് വിടുകയാണ്. ഇപ്പോഴിത സന്തോഷ് വർക്കി പങ്കിട്ട ഒരു വീഡിയോ ആണ് ഇപ്പോൾ വൈറലാകുന്നത്. എന്നോട് ഒരു അനുജനോടുള്ള സ്നേഹം പോലെ തന്നെ ആയിരുന്നു സാറിന്. എന്നോടുള്ള ഇഷ്ടത്തെക്കാൾ എനിക്കും അദ്ദേഹത്തെ ഇഷ്ടം ആണ്. എന്നെക്കാളും കുറച്ചു വയസ്സ് മൂത്തതാണ്.

പുള്ളി ടിപ്പിക്കൽ തമിഴൻ ആണ്. ഇമോഷണലി ഭയങ്കര ഡൌൺ ആയ വ്യക്തിയുമാണ് സർ. പുള്ളിക്ക് ചുറ്റിനും എപ്പോഴും ആളുകൾ ഉണ്ടാകുമെന്നും സന്തോഷ് പറഞ്ഞു തുടങ്ങുന്നു. ഓരോ സമയത്തും ഓരോ ആളുകൾ ആണ് ഉള്ളത്. പുള്ളിക്ക് ഒരു ദുശീലം ഉണ്ട് അതാണ് ഈ അവസ്ഥയിൽ എത്തിച്ചത്. മീഡിയയോട് ഞാൻ അത് അറിയാതെ പറഞ്ഞു പോയി. ഇപ്പോൾ അത് ഞാൻ പറയുന്നില്ല. കാരണം പുളളിയുടെ മാനസിക സംഘർഷം കൊണ്ടാണ് പുള്ളി അതിന് അടിമപെട്ടത്. പല വിഷമങ്ങളും പുള്ളി മറക്കുന്നത് അങ്ങനെ ആയിരുന്നു.

നിർത്താൻ ഞാൻ പറഞ്ഞിട്ടുള്ളതാണ്, പക്ഷെ പുള്ളിക്ക് അങ്ങനെ നമ്മൾ ഉപദേശിക്കുന്നത് ഒന്നും ഇഷ്ടമല്ല. 240 കോടിയുടെ ആസ്തി ഉണ്ട് പുള്ളിക്ക്. ഇതൊന്നും ആരോടും പറഞ്ഞു നടക്കരുത് എന്ന് ഞാൻ പലതവണ പറഞ്ഞിട്ടുള്ളതാണ്. മലയാളികൾ ഫ്രോഡുകൾ ആണ് എന്ന് ഞാൻ പറഞ്ഞുകൊടുത്തിട്ടുള്ളതാണ്. പുള്ളിയുടെ മുത്തച്ഛനും അച്ഛനും ഒരു നിർമ്മാതാവ് ആയിരുന്നു. മോഹൻലാലിൻറെ ഭാര്യയുടെ കുടുംബവുമായി നല്ല ബന്ധം ഉണ്ട് ബാലയുടെ കുടുംബത്തിന്.

കാശൊക്കെ ഇഷ്ടം പോലെയുണ്ട്. പക്ഷെ വല്ലാത്ത ഏകാന്തതയിൽ ആയിരുന്നു അദ്ദേഹം. പേഴ്സണൽ ലൈഫിൽ ഒരുപാട് പ്രശ്നങ്ങൾ സാറിന് ഉണ്ട്. പാവം മനുഷ്യൻ ആണ് . അകെ ശുദ്ധൻ ആയിരുന്നു എന്നും സന്തോഷ് വർക്കി പറയുന്നു. അതേസമയം വീണ്ടും സിനിമാ തിരക്കുകളിലേക്ക് നീങ്ങുന്നതിനിടെ നടൻ ബാലയെ കരൾ സംബന്ധമായ അസുത്തെ തുടർന്ന് ആശുപത്രിയിൽ പ്രവേശിപ്പിച്ചത്. ആരാധകർക്കും സിനിമാ പ്രേമികൾക്കും വലിയ ഷോക്ക് നൽകിയ വാർത്ത കൂടിയായിരുന്നു ബാല ​ഗുരുതരാവസ്ഥയിൽ ആശുപത്രിയിലാണെന്ന തരത്തിൽ വന്ന റിപ്പോർട്ട്.

സോഷ്യൽമീഡിയയിൽ സജീവമായ നടനായതുകൊണ്ട് തന്നെ ബാലയുടെ അസുഖ വിവാരം അറിഞ്ഞപ്പോൾ മുതൽ‌ പ്രാർഥനകളുമായി കഴിയുകയാണ് ആരാധകർ. സിനിമാ രം​ഗത്ത് നിന്നും എൻ. എം ബാദുഷ, ഉണ്ണി മുകുന്ദൻ, ബാബു രാജ്, സുരേഷ് കൃഷ്ണ അടക്കമുള്ളവർ ബാലയുടെ അസുഖ വിവരം അറിഞ്ഞതോടെ താരത്തെ കാണാനായി അമൃത ആശുപത്രിയിൽ എത്തിയിരുന്നു.പിന്നാലെ ബാലയുടെ മുൻ ഭാര്യ അമൃതയും മകൾ പാപ്പവും ബാലയെ സന്ദർശിക്കാൻ എത്തിയിരുന്നു.

ആശുപത്രിയിൽ പ്രവേശിച്ചപ്പോൾ‌ മുതൽ അവിടെ തന്നെ സന്ദർശിക്കാൻ എത്തിയവരോടെല്ലാം മകളെ കാണണമെന്ന ഒറ്റ ആ​ഗ്രഹം മാത്രമാണ് ബാല പറഞ്ഞത്. അതേസമയം ഷെഫീക്കിന്റെ സന്തോഷം എന്ന സിനിമയിൽ ഉണ്ണി മുകുന്ദന്റെ സുഹൃത്തായിട്ടാണ് ബാല അഭിനയിച്ചത്. അനൂപ് പന്തളം ആദ്യമായി സംവിധാനം ചെയ്ത സിനിമ കൂടിയായിരുന്നു ഇത്. സിനിമ റിലീസ് ആയി സക്സസായ ശേഷം നിർമാതാവ് ഉണ്ണി മുകുന്ദൻ തനിക്ക് പ്രതിഫലം തന്നില്ലെന്ന് ആരോപിച്ച് ബാല രം​ഗത്തെത്തുകയും പിന്നീട് നിരവധി വിവാദങ്ങളുണ്ടാവുകയും ചെയ്തിരുന്നു.

ആ സംഭവത്തിന് ശേഷം ബാല ഉണ്ണി മുകുന്ദൻ അടക്കമുള്ളവരുമായി അകൽച്ചയിലായിരുന്നു. ബാല എത്രയും ​വേ​ഗം സുഖം പ്രാപിക്കട്ടെയെന്നാണ് ആരാധകരും താരത്തിന്റെ സോഷ്യൽമീഡിയ പോസ്റ്റിന് താഴെ കമന്റ് ചെയ്യുന്നത്. ബാലയുടെ രണ്ടാം ഭാര്യ എലിസബത്ത് ആശുപത്രിയിൽ തന്നെയുണ്ട്. 2019ലാണ് ബാലയും അമൃതയും ബന്ധം വേർപ്പെടുത്തിയത്. ഇപ്പോൾ‌ അമൃത ​ഗായകനും സം​ഗീത സംവിധായകനുമായ ​ഗോപി സുന്ദറുമായി പ്രണയത്തിലാണ്. ബാല അഭിനയിച്ചതിൽ പ്രേക്ഷകർക്ക് ഏറ്റവും പ്രിയപ്പെട്ട സിനിമകൾ പുതിയമുഖം, എന്ന് നിന്റെ മൊയ്തീൻ, ഷെഫീക്കിന്റെ സന്തോഷം എന്നിവയാണ്. രണ്ടാം വിവാഹത്തിന് ശേഷം സിനിമകളിൽ നിന്നും വിട്ട് നിൽക്കുകയായിരുന്നു ബാല.