കണ്ണെടുക്കാതെ നോക്കി നിൽക്കുന്ന സൗന്ദര്യം! കുന്ദവൈ’യായി തൃഷ മാറുന്നതിന്റെ വീഡിയോ പുറത്തുവിട്ട് അണിയറപ്രവര്ത്തകര്! ഏറ്റെടുത്ത് സോഷ്യൽമീഡിയ
തമിഴ്, ഹിന്ദി, തെലുങ്ക്, മലയാളം, കന്നഡ എന്നീ അഞ്ച് ഭാഷകളിലെത്തിയ പൊന്നിയിൻ സെൽവന്റെ ഒന്നാം ഭാഗം സെപ്തംബർ 30നാണ് റിലീസിനെത്തിയത്. ഏറ്റവും വേഗത്തില് തമിഴ്നാട്ടില് 100 കോടി നേടിയ ചിത്രമെന്ന റെക്കോർഡും ചിത്രം സ്വന്തമാക്കിയിരുന്നു. ചോള രാജാക്കന്മാരുടെ കാലത്തെ കഥ പറയുന്ന ചിത്രത്തിൽ വൻ താരനിരയാണ് അണിനിരന്നത്. ഐശ്വര്യ റായി, വിക്രം, കാര്ത്തി, ജയറാം, ജയം രവി, തൃഷ, ശരത് കുമാർ, ഐശ്വര്യ ലക്ഷ്മി തുടങ്ങിയവർ അതിഗംഭീര പ്രകടനമാണ് കാഴ്ചവെച്ചത്. കല്ക്കി കൃഷ്ണമൂര്ത്തിയുടെ തമിഴ് നോവലിനെ ആധാരമാക്കിയാണ് രണ്ടാം ഭാഗവുമെത്തുന്നത്. സിനിമയുടെ രണ്ടാം ഭാഗം ഏപ്രില് 28ന് റിലീസ് ചെയ്യുമെന്ന് മുമ്പ് പ്രഖ്യാപിച്ചിരുന്നു. ഇപ്പോഴിതാ ‘പൊന്നിയിന് സെല്വന്റെ’ പ്രമോഷന് ആരംഭിക്കുന്നുവെന്ന തരത്തിലുള്ള സൂചനകളാണ് ഇപ്പോള് പുറത്തുവരുന്നത്. പൊന്നിയിന് സെല്വനി’ലെ ഒരു പ്രധാന കഥാപാത്രമായ ‘കുന്ദവൈ’യായി തൃഷ മാറുന്നതിന്റെ ബിഹൈന്ഡ് ദ സീന് വീഡിയോ പുറത്തുവിട്ടിരിക്കുകയാണ് ഇപ്പോള് അണിയറപ്രവര്ത്തകര്. ഏക ലഖാനി വസ്ത്രാലങ്കാരവും വിക്രം ഗെയ്ക്കാവദ് കേശാലങ്കാരവും നിര്വഹിച്ചപ്പോള് ജ്വല്ലറിക്ക് ക്രഡിറ്റ് നല്കിയിരിക്കുന്നത് കിഷന് ദാസിനാണ്. രവി വര്മനാണ് ചിത്രത്തിന്റെ ഛായാഗ്രാഹണം. ‘പൊന്നിയിന് സെല്വന്’ രണ്ടാം ഭാഗത്തിലെ ആദ്യ ഗാനം വൈകാതെ പുറത്തുവിടും എന്നും അറിയിച്ചിട്ടുണ്ട്.
https://www.facebook.com/Malayalivartha
