മലയാള സിനിമയിലെ നിറ സാന്നിധ്യമാണ് അലന്‍സിയര്‍ ലോപ്പസ്. നാടകത്തിലൂടെയാണ് അലന്‍സിയര്‍ സിനിമയിലെത്തുന്നത്. വില്ലനായും സ്വഭാവ നടനായുമെല്ലാം അലന്‍സിയര്‍ കയ്യടി നേടിയിട്ടുണ്ട്. അടുത്ത വീട്ടിലെ മുതിര്‍ന്ന ചേട്ടന്‍ മുതല്‍ അപ്പനായി വരെ അലന്‍സിയര്‍ ആടി തകര്‍ത്തിട്ടുണ്ട്. കോമഡിയും വില്ലത്തരവും വൈകാരി രംഗങ്ങളുമെല്ലാം അഭിനയിച്ച് ഫലിപ്പിക്കാന്‍ അലന്‍സിയറിനാകും. നേരത്തേ മീടു ആരോപണം നേരിട്ട താരമായിരുന്നു അലൻസിയർ. നടി ദിവ്യ ഗോപിനാഥാണ് അലൻസിയറിനെതിരെ ഗുരുതര ആരോപണങ്ങളുമായി രംഗത്തെത്തിയത്. ഇതേത്തുടർന്ന് വിവിധ മേഖലകളിൽ നിന്നും ഉയർന്നിരുന്നു. തുടർന്ന് വിവിധ മേഖലകളിൽ നിന്ന് കടുത്ത വിമർശനം നേരിട്ട അലൻസിയർ ഒടുവിൽ ദിവ്യയോട് പരസ്യമായി ക്ഷമ ചോദിച്ചിരുന്നു.

ഇപ്പോഴിതാ അലൻസിയറിന്റെ ഒരു അഭിമുഖമാണ് വൈറലാകുന്നത്. നടൻ നടത്തിയ വിവാദപരാമർശങ്ങൾ ചർച്ചയാകുകയാണ്. 'ലോകത്ത് എല്ലാ ഇടത്തുമില്ലെ ഇത്. സിനിമയിൽ മാത്രമാണോ. നമ്മൾ എത്ര ബിഷപ്പുമാരുടെ കഥകേട്ടിരിക്കുന്നു. എത്ര കന്യാസ്ത്രീമാരുടെ കഥ കേട്ടിരിക്കുന്നു. സിനിമക്കാര് മാത്രമാണ് ഇങ്ങനെ പീഡിപ്പിക്കുന്നതെന്ന് പറയേണ്ടതുണ്ടോ. ബുദ്ധിയും വിവേകവും വേണം. അത് കന്യാസ്ത്രീ ആയാലും സിനിമാ നടിയായാലും. എങ്ങനെയാണ് ഒരാൾക്ക് പന്ത്രണ്ട് പ്രാവശ്യം ബലാത്സംഗം ചെയ്യാൻ പറ്റുക. അങ്ങനെ ഒരു തവണ ബലാത്സംഗം ചെയ്ത് കഴിഞ്ഞാൽ നിങ്ങൾക്ക് അറിഞ്ഞൂടെ ബലാത്സംഗമാണെന്ന്. പന്ത്രണ്ട് തവണ ബലാത്സംഗം ചെയ്യുമ്പോൾ നിങ്ങളുടെ ബുദ്ധി എവിടെ പോയി. പതിമൂന്നാം തവണയാണോ നിങ്ങൾ ഇത് വിളിച്ചു പറയേണ്ടത്. അതൊക്കെ കാപട്യമാണെന്നും അലൻസിയർ പറഞ്ഞു.