തെലുങ്ക് സിനിമയിലെ മുതിര്‍ന്ന നടനായ നരേഷ് ബാബുവിന്റെ നാലാം വിവാഹത്തെ കുറിച്ചുള്ള കഥകള്‍ പ്രചരിക്കാന്‍ തുടങ്ങിയിട്ട് നാളുകളേറെയായി. നടി പവിത്ര ലോകേഷുമായി പ്രണയത്തിലായിരുന്ന താരം നടിയുടെ കൂടെയായിരുന്നു താമസിച്ചിരുന്നത്. ഇതോടെ വിവാഹക്കാര്യം സോഷ്യല്‍ മീഡിയയിലും ചര്‍ച്ചയായി. ഇപ്പോഴിതാ വിവാഹം കഴിച്ച് പുതിയൊരു ജീവിതത്തിലേക്ക് പ്രവേശിച്ചതിന്റെ സന്തോഷം പങ്കുവെച്ച് കൊണ്ടാണ് പവിത്രയും നരേഷും എത്തിയിരിക്കുന്നത്. വളരെ കുറച്ചുപേർ മാത്രം പങ്കെടുത്ത ചടങ്ങിലായിരുന്നു വിവാഹം. ട്വിറ്ററിലൂടെ വിവാഹ ചടങ്ങുകളുടെ ചെറിയൊരു വീഡിയോ പങ്കുവെച്ചിരിക്കുകയാണ് നരേഷ് ബാബു. 'ഞങ്ങളുടെ ഈ പുതിയ യാത്രയില്‍ സമാധാനവും സന്തോഷവും ജീവിതകാലം മുഴുവന്‍ ഉണ്ടാവാന്‍ നിങ്ങളുടെ അനുഗ്രഹം തേടുന്നു' എന്നാണ് വീഡിയോയ്ക്ക് നല്‍കിയ ക്യാപ്ഷനില്‍ നരേഷ് സൂചിപ്പിച്ചിരിക്കുന്നത്. മൂന്നു മാസങ്ങൾക്കു മുൻപാണ് വിവാഹം ചെയ്യും എന്ന് ഇരുവരും ഒരു പോസ്റ്റിലൂടെ സൂചന നൽകിയത്ന ടന്റെ അർദ്ധ സഹോദരനായ മഹേഷ് ബാബു ചടങ്ങിൽ നിന്നും വിട്ടുനിന്നതും ശ്രദ്ധേയമായി. വിവാഹം കഴിഞ്ഞതായി 62കാരനായ നരേഷ് ഒരു വീഡിയോ പോസ്റ്റിലൂടെയാണ് അറിയിച്ചത്. പരമ്പരാഗത വേഷം ധരിച്ചാണ് വധൂവരന്മാർ വിവാഹത്തിനെത്തിയത്. മണ്ഡപത്തിൽ വച്ച് ഇരുവരും വിവാഹമാല്യം കൈമാറി.

അതിഥികൾ ഇരുവർക്കും മേൽ പുഷ്‌പവൃഷ്‌ടി നടത്തി. ജനുവരി ഒന്നാം തിയതി പരസ്പരം ചുംബനം കൈമാറുന്ന വീഡിയോ പോസ്റ്റ് ചെയ്താണ് പ്രണയത്തിലാണ് എന്ന് ഇരുവരും ലോകത്തെ അറിയിച്ചത്. ഇതിൽ വിവാഹം ഉടനെ ഉണ്ടാകും എന്ന് അറിയിപ്പുണ്ടായിരുന്നു. ‘സമ്മോഹനം’ സെറ്റിൽ തുടങ്ങിയ പ്രണയമാണ് നരേഷിന്റെയും പവിത്രയുടെയും. ഇവരുടെ കുടുംബത്തിലെ പല ചടങ്ങുകളിലും പവിത്ര സാന്നിധ്യമായിരുന്നു.നരേഷിന്റെ മാതാവ് വിജയ നിർമലയുടെയും രണ്ടാനച്ഛൻ കൃഷ്ണയുടെയും മരണാനന്തര ചടങ്ങുകളിൽ പവിത്രപങ്കെടുത്തിരുന്നു. നരേഷിന്റെ നാലാം വിവാഹമാണ്. പവിത്രയുടെ മൂന്നാം വിവാഹമാണ്. നടിയുമായുള്ള ബന്ധത്തെ എതിർത്ത് നരേഷിന്റെ മുൻ ഭാര്യമാരിൽ ഒരാൾ ചെരുപ്പൂരി അടിക്കാൻ എത്തിയത് വലിയ വാർത്തയായിരുന്നു. നരേഷും പവിത്രയും മുറിയിൽ നിന്നും പുറത്തിറങ്ങിയപ്പോഴായിരുന്നു സംഭവം.