ആരാധകര്‍ക്ക് സുപരിചതയാണ് ഗായിക അമൃത സുരേഷ്. റിയാലിറ്റി ഷോയിലൂടെ കടന്ന് വന്നാണ് അമൃത സുരേഷ് സ്വന്തമായൊരു ഇടം കണ്ടെത്തുന്നത്. അമൃതയുടെ കരിയര്‍ പോലെ തന്നെ വ്യക്തി ജീവിതവും എപ്പോഴും വാര്‍ത്തകൡ നിറയാറുണ്ട്. കഴിഞ്ഞ ദിവസമായിരുന്നു അമൃതയുടെ മുന്‍ ഭര്‍ത്താവായ നടന്‍ ബാലയെ കരള്‍ രോഗത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചത്. പിന്നാലെ അമൃതയേയും ബാലയേയും ചേര്‍ത്തുള്ള നിരവധി വാര്‍ത്തകള്‍ സോഷ്യല്‍ മീഡിയയില്‍ പ്രചരിച്ചിരുന്നു. എന്നാൽ അമൃതയുടെ ഇപ്പോഴത്തെ സ്ഥിതി ഇതൊന്നുമല്ല. തന്റെ തലയ്ക്കു പിന്നിൽ പരിക്കേറ്റതായി അമൃത സുരേഷ് ഇൻസ്റ്റഗ്രാം സ്റ്റോറീസിലൂടെ സ്ഥിരീകരിച്ചു. രണ്ട് സ്റ്റിച്ചുണ്ട്. അമൃതയുടെ ഒപ്പം പ്രിയപ്പെട്ട കൂട്ടുകാരിയുമുണ്ട്.

എന്തായാലും പെട്ടന്ന് തന്നെ ആരോഗ്യം ശരിയാകട്ടെ എന്ന പ്രാർത്ഥനയിലാണ് ആരാധകരും. അതേസമയം ബാലയുടെ വാർത്ത പുറത്തുവന്നപ്പോൾ മുതൽ ബാലയുടെ ആരാധകരെല്ലാം വലിയ സങ്കടത്തിലായിരുന്നു. എന്നാൽ നടന് കുഴപ്പമില്ലെന്നും സ്റ്റേബിൾ ആണെന്നും സിനിമയിലെ സുഹൃത്തുക്കളും ബന്ധുക്കളും അറിയിക്കുകയായിരുന്നു. ബാലയ്ക്ക് അദ്ദേഹത്തിന് കുഴപ്പമൊന്നും ഉണ്ടാവില്ലെന്നും അദ്ദേഹം നേരത്തെയും ആശുപത്രിയില്‍ ചികിത്സയിൽ ആയിരുന്നു എന്നും വ്യക്തമാക്കി ഭാര്യ, ഡോക്ടർ എലിസബത്തും രംഗത്ത് എത്തിയിരുന്നു. എപ്പോഴത്തെയും പോലെ ഇത്തവണയും അദ്ദേഹം സുരക്ഷിതനായി തിരിച്ചെത്തുമെന്നും അവര്‍ വ്യക്തമാക്കിയിരുന്നു.