രജനീകാന്തിന്റെ മകള് ഐശ്വര്യയുടെ വീട്ടില് വര്ഷങ്ങളായി മോഷണം നടക്കുന്നു... കള്ളിയെ കയ്യോടെ പൊക്കി പോലീസ്
രജനീകാന്തിന്റെ മകള് ഐശ്വര്യ രജനീകാന്തിന്റ വീട്ടില് വര്ഷങ്ങളായി മോഷണം നടത്തിയയാള് പിടിയില്. ഐശ്വര്യയുടെ വീട്ടില് ജോലി ചെയ്തിരുന്ന 40 കാരിയായ വീട്ടു ജോലിക്കാരി ഈശ്വരിയെയാണ് പൊലീസ് അറസ്റ്റ് ചെയ്തത്. ഇവരെ വിശദമായി ചോദ്യം ചെയ്തപ്പോള് വ്യക്തമായ ഉത്തരങ്ങള് ഇവര് നല്കിയില്ലെന്നാണ് പൊലീസ് പറയുന്നത്. പിന്നീട് സാഹചര്യ തെളിവുകളും മറ്റും ഹാജരാക്കിയപ്പോള് ഇവര് കുറ്റം സമ്മതിച്ചു.
ഈശ്വരിയുടെയും ഭര്ത്താവിന്റെയും ബാങ്ക് അക്കൗണ്ടുകള് പരിശോധിച്ചതില് ഇടയ്ക്കിടെ വന് തുക ഇടപാടുകള് നടന്നതായി പോലീസ് കണ്ടെത്തി. തുടര്ന്നാണ് പ്രതികളെന്ന സംശയത്തില് ചോദ്യം ചെയ്യലിനായി ഈശ്വരിയെയും ഭര്ത്താവിനെയും തേനാംപേട്ട് പോലീസ് സ്റ്റേഷനിലേക്ക് വിളിപ്പിച്ചു. 2019 മുതല് 60 പവന് ആഭരണങ്ങള് ചെറുതായി മോഷ്ടിച്ച് പണമാക്കി മാറ്റിയതായി ഇവര് സമ്മതിച്ചതായാണ് റിപ്പോര്ട്ട്.
ലക്ഷങ്ങള് വില വരുന്ന ആഭരണങ്ങള് നഷ്ടമായെന്ന പരാതിയുമായി രജനീകാന്തിന്റെ മകള് ഐശ്വര്യ രജനീകാന്ത് പൊലീസില് പരാതി നല്കിയത്. വജ്ര, സ്വര്ണാഭരണങ്ങളും രത്നങ്ങളും കാണാതായെന്നാണ് ഐശ്വര്യ പരാതി നല്കിയിരിക്കുന്നത്.
ആഭരണങ്ങള് സൂക്ഷിച്ച ലോക്കറിന്റെ താക്കോല് എവിടെയെന്ന് ജീവനക്കാര്ക്ക് അറിയാമായിരുന്നു. മൂന്ന് ജീവനക്കാരെ സംശയമുണ്ടെന്നും ഐശ്വര്യ പൊലീസില് നല്കിയ പരാതിയില് പറയുന്നു.
https://www.facebook.com/Malayalivartha
