മീനാക്ഷി ദിലീപിനെ ആർക്കും പരിചയപ്പെടുത്തേണ്ട ആവശ്യമില്ല. മലയാളത്തിലെ രണ്ട് സൂപ്പർ താരങ്ങളുടെ മകൾ എന്നതുകൊണ്ട് തന്നെ ജനിച്ചപ്പോൾ മുതൽ മീനാക്ഷി പ്രേക്ഷകർക്ക് വളരെ സ്പെഷ്യലാണ്. ദിലീപിന്റെയും മഞ്ജുവിന്റെയും മീനുട്ടി അവരുടെ ആരാധകർക്കും സ്വന്തം വീട്ടിലെ കുട്ടിയാണ്. ഇന്നാണ് മീനാക്ഷിയുടെ ഇരുപത്തിമൂന്നാം പിറന്നാൾ ദിനം. അതുകൊണ്ട് തന്നെ ആരാധകർ ആഘോഷമാക്കുകയാണ് താരപുത്രിയുടെ പിറന്നാൾ . സിനിമാ താരം നമിത പ്രമോദ്... നാദിർഷയുടെ രണ്ട് പെൺമക്കൾ എന്നിവരെല്ലാമായാണ് മീനൂട്ടിക്ക് അധികവും കമ്പനി. നമിത തന്റെ ഉറ്റ ചങ്ങാതിയാണെന്ന് മീനൂട്ടി തന്റെ സോഷ്യൽമീഡിയ പോസ്റ്റുകളിലൂടെ പറയാതെ പറയാറുണ്ട്. ഇപ്പോഴിതാ നമിതപ്രമോദ് സോഷ്യൽമീഡിയയിലൂടെ പിറന്നാൾ ആശംസയുമായി എത്തിയിരിക്കുകയാണ്. ഇരുവരുടെയും ചിത്രം പങ്കുവെച്ച് കൊണ്ടായിരുന്നു ആശംസ. കൂടാതെ ഫാൻസ്‌ പേജുകളിലും താരപുത്രിയ്ക്ക് ആശംസകളാൽ നിറയുകയാണ്. ഒരു ഫ്ലൈറ്റ് യാത്രക്കിടയിൽ വെച്ചാണ് തങ്ങൾ കമ്പനിയായതെന്നും തുടക്കത്തിൽ മീനൂട്ടി ജാഡ കാണിച്ചിരുന്നുവെന്നും ഒരു അഭിമുഖത്തിൽ‌ നമിത പ്രമോദ് വ്യക്തമാക്കിയിരുന്നു. നമിതയുടെ കഫേയുടെ ഉദ്ഘാടന ദിവസം ഓൺലൈൻ മാധ്യമങ്ങളിൽ നിറഞ്ഞ് നിന്ന മുഖമായിരുന്നു നടൻ ദിലീപിന്റെ മകൾ മീനാക്ഷിയുടേത്. ഒരു സിനിമയിലും ഇതുവരെ അഭിനയിച്ചിട്ടില്ലെങ്കിലും കഫേ ഉദ്ഘാടന ദിവസം വന്ന സിനിമാ നടിമാർക്ക് ലഭിക്കാത്ത മാധ്യമ ശ്രദ്ധ അന്ന് മീനാക്ഷിക്ക് ലഭിച്ചിരുന്നു.

ചെന്നൈയിൽ മെഡിക്കൽ വിദ്യാർത്ഥിനിയാണ് മീനാക്ഷി ദിലീപ്. ഒരു വർഷം കൊണ്ട് മീനാക്ഷി ഡോക്ടർ പഠനം പൂർത്തിയാക്കും എന്നാണ് ആരാധകരുടെ കണ്ടെത്തൽ. ചെന്നൈയിൽ മീനാക്ഷിയുടെ കമ്പനി ജയറാമിന്റെ മകൾ മാളവികയാണ്. താൻ ഇടയ്ക്കിടെ മീനാക്ഷിയെ ഹോസ്റ്റലിൽ നിന്ന് ചാടിച്ച് കറങ്ങാൻ കൊണ്ടുപോകാറുണ്ടെന്ന് മാളവിക തന്നെ ഒരു അഭിമുഖത്തിൽ പറഞ്ഞിരുന്നു.

അച്ഛൻ കുട്ടിയാണ് മീനാക്ഷി എന്നാണ് പൊതുവെ ഉള്ള അഭിപ്രായം. മഞ്ജു വാര്യരുമായി ദിലീപ് പിരി‍ഞ്ഞപ്പോഴും മീനൂട്ടിക്ക് ഇഷ്ടം അച്ഛനൊപ്പം പോകാനായിരുന്നു. മകളോട് ചോദിച്ച് അവൾക്ക് പൂർണ സമ്മതമാണെന്ന് അറിഞ്ഞ ശേഷമാണ് കാവ്യ മാധവനെ വിവാഹം ആലോചിച്ചതും ചടങ്ങുകൾ നടത്തിയതെന്നും ദിലീപ് മുമ്പൊരിക്കൽ പറഞ്ഞിട്ടുണ്ട്. എന്നും മകൾ ആണ് തനിക്ക് എല്ലാം എന്ന് ദിലീപ് പലകുറി പറഞ്ഞിട്ടുണ്ട്. ക്യാമറയ്ക്ക് മുന്നില്‍ കൂടുതലായൊന്നും പ്രത്യക്ഷപ്പെടാറില്ലെങ്കിലും മീനാക്ഷിക്ക് ആരാധകർ ഏറെയാണ്. 300 കെ ഫോളോവേഴ്‌സാണ് ഇൻസ്റ്റയിൽ മാത്രം മീനാക്ഷിക്ക് ഉള്ളത്. ഫേസ്ബുക്കിലും മറ്റുമായി താരപുത്രിക്ക് നിരവധി ഫാൻ ഗ്രൂപ്പുകളും പേജുകളും സജീവം ആണ്.

താരപുത്രി സോഷ്യൽമീഡിയയിൽ അക്കൗണ്ട് തുടങ്ങും മുമ്പ് വരെ മീനൂട്ടിയുടെ വിശേഷങ്ങൾ പ്രേക്ഷകർ അറിഞ്ഞിരുന്നത് ദിലീപ് വഴിയും അദ്ദേഹത്തിന്റെ സുഹൃത്തുക്കളും കുടുംബാംഗങ്ങളും വഴിയുമാണ്. മഞ്ജുവിനൊപ്പം ഏറെനാൾ മീനാക്ഷിയും നൃത്തം പഠിച്ചിരുന്നു. ശേഷമാണ് വിവാഹ മോചനം സംഭവിച്ചത്. മീനാക്ഷിയുടെ സിനിമാ പ്രവേശനത്തിന് വേണ്ടിയാണ് ദിലീപ് ആരാധകർ ഇപ്പോൾ കാത്തിരിക്കുന്നത്. മകളോട് അത്തരം കാര്യങ്ങൾ ചോ​ദിച്ചിട്ടില്ലെന്നും അവൾ ഇപ്പോൾ പഠനത്തിനാണ് ശ്രദ്ധ കൊടുക്കുന്നത് എന്നുമാണ് മീനാക്ഷിയുടെ സിനിമാ എൻട്രിയെ കുറിച്ച് ചോദിച്ചപ്പോൾ ദിലീപ് മുമ്പൊരിക്കൽ പറഞ്ഞത്.