മലയാളികളുടെ ഇഷ്ട താരം തന്നെയാണ് വിജയ്. കഴിഞ്ഞ 23 വർഷമായി സന്തോഷകരമായ ദാമ്പത്യ ജീവിതം നയിക്കുകയാണ് വിജയും ഭാര്യ സംഗീത സോമലിംഗവും. 1999 ഓഗസ്റ്റിലാണ് ഇവർ വിവാഹിതരായത്. എന്നാൽ ഇരുവരും തമ്മിൽ പിരിഞ്ഞുവെന്നുള്ള വാർത്തകൾ ഇടംപിടിച്ചെങ്കിലും ഇത് ഗോസിപ്പുകളായി തള്ളുകയായിരുന്നു വിജയ് ആരാധകർ. എന്നാലിപ്പോഴിത കഴിഞ്ഞ ദിവസം വിജയും ഭാര്യയും തമ്മിൽ വലിയ രീതിയിലുള്ള വഴക്ക് നടന്നു എന്ന് പറഞ്ഞെത്തിയിരിക്കുകയാണ് സിനിമ നിരൂപകനായ ഉമൈർ സന്ധു. ഒരു ട്വിറ്റർ പോസ്റ്റിലൂടെയാണ് ഉമൈർ ഇക്കാര്യം പറഞ്ഞത്. അദ്ദേഹത്തിന്റെ പോസ്റ്റ് സോഷ്യൽ മീഡിയയിൽ വൈറലാവുകയാണ്.

'നടന്റെ രഹസ്യ ബന്ധത്തിന്റെ പേരിൽ സൂപ്പർ സ്റ്റാർ വിജയും ഭാര്യ സംഗീതയും തമ്മിൽ വലിയ വഴക്കുണ്ടായി. വിജയ്ക്ക് ഭാര്യ അവസാന താക്കീത് നൽകി' എന്നുമാണ് ഉമൈർ സന്ധു മാർച്ച് 19 ന് ട്വിറ്ററിൽ പോസ്റ്റ് ചെയ്തത്. എന്നാൽ ഇതു സംബന്ധിച്ച് വിശ്വാസ യോഗ്യമായ മറ്റൊരു വിവരങ്ങളും വന്നിട്ടില്ല. തുടർച്ചയായി നടനെ അധിക്ഷേപിച്ചു പോസ്റ്റുകൾ ഇടുന്ന ഉമറിനെതിരെ ആരാധക രോഷവും ശക്തമാണ്. ഒരുകാലത്ത് വിജയിയുടെ കടുത്ത ആരാധികയായിരുന്നു സംഗീത സോമലിംഗം. വിജയുടെ പ്രണയ സിനിമകൾ കണ്ട് വലിയ ആരാധികയായി മാറിയ സംഗീത ഒരിക്കൽ സിനിമാ ചിത്രീകരണം കാണാനെത്തിയതായിരുന്നു. അവിടെ നിന്നുമാണ് ഇരുവരും സൗഹൃദത്തിലാകുന്നത്. പിന്നീടത് വിവാഹത്തിലേക്ക് എത്തുകയായിരുന്നു. ശ്രീലങ്കൻ സ്വദേശിനിയാണ് സംഗീത. ഒരു മകനും മകളുമാണ് വിജയ്ക്കും സംഗീതയ്ക്കുമുള്ളത്. വിവാഹശേഷം ഭർത്താവിനും കുടുംബത്തിനും വേണ്ടി ജീവിതം മാറ്റിവെച്ച ആളാണ് സംഗീത.