നടന്‍ സുരേഷ് ഗോപിയുടെ മകന്‍ മാധവ് സുരേഷ് നായകനായി എത്തുന്ന ചിത്രം എത്തുന്നു. 'കുമ്മാട്ടിക്കളി' എന്ന ചിത്രത്തിന്റെ  പൂജയും ഷൂട്ടിംഗും മാര്‍ച്ച്‌27 ന് ആലപ്പുഴ സാന്ത്വനം സ്പെഷ്യല്‍ സ്കൂളില്‍ വെച്ച്‌ രാവിലെ 9 മണിക്ക് നടക്കും.

ആര്‍. കെ. വിന്‍സെന്റ് സെല്‍വ സംവിധാനം ചെയ്യുന്ന ചിത്രം പ്രശസ്ത സിനിമാ നിര്‍മ്മാണ കമ്ബനിയായ സൂപ്പര്‍ഗുഡ് ഫിലിംസ് ആണ് നിര്‍മ്മിക്കുന്നത്. സൂപ്പര്‍ ഗുഡ് ഫിലിംസിന്റെ 98 -മത്തെ നിര്‍മ്മാണ സംരംഭമാണിത്. ദിലീപ് നായകനായ D148 ആണ് നിര്‍മ്മാണത്തിലിരിക്കുന്ന മറ്റൊരു ചിത്രം. പൂജാ ചടങ്ങില്‍ നിര്‍മ്മാതാവ് ആര്‍ ബി ചൗധരിയും ചിത്രത്തിലെ താരങ്ങളും അണിയറ പ്രവര്‍ത്തകരും പങ്കെടുക്കും.

ലെന,ദേവിക സതീഷ്, യാമി,അനുപ്രഭ, മൈം ഗോപി, അസീസ് നെടുമങ്ങാട് ദിനേശ് ആലപ്പി,സോഹന്‍ ലാല്‍, ആല്‍വിന്‍ ആന്റണി ജൂനിയര്‍, സിനോജ് അങ്കമാലി, ധനഞ്ജയ് പ്രേംജിത്ത്, മിഥുന്‍ പ്രകാശ്, അനീഷ് ഗോപാല്‍ റാഷിക് അജ്മല്‍ തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നു. സംവിധായകന്‍ ആര്‍ കെ വിന്‍സെന്റ് സെല്‍വയുടേതാണ് തിരക്കഥ. ഛായാഗ്രഹണം വെങ്കിടേഷ് വി. പ്രോജക്‌ട് ഡിസൈനര്‍ സജിത്ത് കൃഷ്ണ.