വിടവാങ്ങിയത് ചിരിച്ചും ചിരിപ്പിച്ചും 750ലേറെ സിനിമകളില് അഭിനയിച്ച മഹാപ്രതിഭ... രാവിലെ എട്ടു മുതല് എറണാകുളം കടവന്ത്രയിലെ രാജീവ് ഗാന്ധി ഇന്ഡോര് സ്റ്റേഡിയത്തിലും ഉച്ചക്ക് ഒന്നുമുതല് ഇരിങ്ങാലക്കുട മുന്സിപ്പല് ടൗണ് ഹാളിലും തുടര്ന്ന് സ്വവസതിയായ പാര്പ്പിടത്തിലും പൊതുദര്ശനം... സംസ്കാരം ചൊവ്വാഴ്ച സെന്റ് തോമസ് കത്തീഡ്രല് ദേവാലയത്തില്....
ചിരിച്ചും ചിരിപ്പിച്ചും ഒടുവില് യാത്രയായി.... രാവിലെ എട്ടു മുതല് എറണാകുളം കടവന്ത്രയിലെ രാജീവ് ഗാന്ധി ഇന്ഡോര് സ്റ്റേഡിയത്തിലും ഉച്ചക്ക് ഒന്നുമുതല് ഇരിങ്ങാലക്കുട മുന്സിപ്പല് ടൗണ് ഹാളിലും തുടര്ന്ന് സ്വവസതിയായ പാര്പ്പിടത്തിലും പൊതുദര്ശനം... സംസ്കാരം ചൊവ്വാഴ്ച സെന്റ് തോമസ് കത്തീഡ്രല് ദേവാലയത്തില് നടക്കും.
വൈവിധ്യമാര്ന്ന കഥാപാത്രങ്ങളെ തന്മയത്വത്തോടെ മികവുറ്റതാക്കിയ മലയാളികളുടെ പ്രിയപ്പെട്ട ചലച്ചിത്ര താരവും ചാലക്കുടി മുന് എംപിയുമായ ഇന്നസന്റ് (75) കൊച്ചിയിലെ സ്വകാര്യ ആശുപത്രിയില് ഇന്നലെ രാത്രി പത്തരയോടെയാണ് മരിച്ചത്.
മലയാള ചലച്ചിത്ര അഭിനേതാക്കളുടെ സംഘടനയായ 'അമ്മ'യുടെ പ്രസിഡന്റായി 18 വര്ഷത്തോളം പ്രവര്ത്തിച്ചു. ഹാസ്യനടനും സ്വഭാവ നടനുമായി ഒരേപോലെ തിളങ്ങിയ ഇന്നസന്റ് മലയാളം, തമിഴ്, ഹിന്ദി, കന്നഡ തുടങ്ങിയ ഭാഷകളിലായി എഴുനൂറ്റന്പതിലേറെ സിനിമകളില് അഭിനയിച്ചിട്ടുണ്ട്.
1989ല് മികച്ച സഹനടനുള്ള സംസ്ഥാന ചലച്ചിത്ര പുരസ്കാരവും ('മഴവില്ക്കാവടി') നിര്മാതാവെന്ന നിലയില് 1981ലും ('വിട പറയും മുന്പേ'), 1982ലും ('ഓര്മയ്ക്കായ്') മികച്ച രണ്ടാമത്തെ ചിത്രത്തിനുള്ള സംസ്ഥാന ചലച്ചിത്ര പുരസ്കാരവും നേടി. 2009ല് 'പത്താം നിലയിലെ തീവണ്ടി' എന്ന ചിത്രത്തിലൂടെ മികച്ച നടനുള്ള കേരള സ്റ്റേറ്റ് ഫിലിം ക്രിറ്റിക്സ് പുരസ്കാരത്തിന് അര്ഹനായിട്ടുണ്ട്. ഇദ്ദഹത്തിന്റെ വേര്പാട് സിനിമാലോകത്തെയും മലയാളികളെ ഒന്നടങ്കവും കണ്ണീരിലാഴ്ത്തിയിരിക്കുകയാണ്.
"
https://www.facebook.com/Malayalivartha
