ഇന്ന് പല ന്യൂജനറേഷന്‍ താരങ്ങളും ലഹരി ഉപയോഗിക്കുന്നത് വലിയ വാര്‍ത്തയാണ്. എന്നാല്‍ വര്‍ഷങ്ങള്‍ക്ക് മുമ്പ് രജനികാന്ത് ലഹരിക്ക് അടിമയായിരുന്നെന്നും അദ്ദേഹം ചികില്‍സ തേടി സുഖംപ്രാപിക്കുകയായിരുന്നെന്നും പ്രശസ്ത ക്യാമറാമാന്‍ രാമചന്ദ്രബാബു അദ്ദേഹത്തിന്റെ ഓര്‍മകുറിപ്പില്‍ പറയുന്നു. അലാവുദ്ദീനും അത്ഭുതവിളക്കും എന്ന സിനിമയുടെ ചിത്രീകരണത്തിനിടെയാണ് ഇക്കാര്യം നേരിട്ട് മനസിലാക്കിയതെന്നും അദ്ദേഹം വ്യക്തമാക്കുന്നു. 

അലാവുദ്ദീനും അത്ഭുതവിളക്കും എന്ന ചിത്രത്തില്‍ കമലാഹാസനും രജനീകാന്തും തമ്മില്‍ ഫൈറ്റുണ്ട്. എന്നാല്‍ രജനീകാന്ത് ലഹരി ഉപയോഗിക്കുന്നതിനാല്‍ പലപ്പോഴും അക്രമാസക്തനാകും. അതിനാല്‍ സ്റ്റണ്ട് രംഗത്ത് അഭിനയിക്കാന്‍ കമലാഹാസന് പേടി. അവസാനം ഐ.വി ശശി ഒരു വഴി കണ്ടെത്തി. കമലാഹാസന്റെയും രജനീനാന്തിന്റെയും ഗുരുവായ കെ.ബാലചന്ദിറിനെ സെറ്റിലേക്ക് വിളിപ്പിച്ചു. കെ.ബാലചന്ദറിന്റെ മുന്നില്‍ രജനീകാന്ത് ശാന്തനായി അഭിനയിച്ചു. ചിത്രം തമിഴിലും മലയാളത്തിലുമാണ് എടുത്തത്. വലിയ ഹിറ്റുമായി. 

ചിത്രത്തിന്റെ ചിത്രീകരണത്തിനിടെ രജനീകാന്ത് ചികില്‍സ തേടിയിരുന്നു. ചില ദിവസങ്ങളില്‍ ആസ്പത്രിയില്‍ നിന്ന് വന്നാണ് രജനി അഭിനയിച്ചിരുന്നത്. രാവിലെ ഒന്‍പത് മുതല്‍ വൈകുന്നേരം അഞ്ച് വരെ മാത്രമേ അഭിനയിക്കാവൂ എന്ന് ഡോക്ടര്‍മാര്‍ രജനിക്ക് നിര്‍ദ്ദേശം നല്‍കിയിരുന്നു. അതിനാല്‍ ഏറെ പണിപ്പെട്ടാണ് വേഗത്തില്‍ ചിത്രീകരണം പൂര്‍ത്തിയാക്കിയതെന്നും രാമചന്ദ്രബാബു ഓര്‍മിക്കുന്നു. രജനി പഠിച്ച് അടയാര്‍ ഫിലിം ഇന്‍സ്റ്റ്യൂട്ടില്‍ രാമചന്ദ്രബാബു ക്യാമറയെ കുറിച്ച് ക്ലാസ് എടുക്കാന്‍ ചെന്നിരുന്നു. അതില്‍ രാമചന്ദ്രബാബുവിനെ ഗുരു എന്നാണ് രജനി വിളിച്ചിരുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha