ജീവിതത്തിന്റെ ഒരു ഘട്ടത്തില് എല്ലാത്തില് നിന്നും ഓടി രക്ഷപ്പെടണമെന്ന് തോന്നിയെന്ന് ഗായിക ജ്യോത്സന
ജീവിതത്തില് ഇതുവരെ ചോദിച്ചിരുന്ന ചോദ്യങ്ങള്ക്ക് ഒടുവില് ഉത്തരം കിട്ടിയെന്ന് ഗായിക ജ്യോത്സന. കുട്ടിക്കാലം മുതല് താന് ചോദിച്ചിരുന്ന പല ചോദ്യങ്ങളുടെയും ഉത്തരമാണ് തന്റെ ഓട്ടിസം ഡയഗ്നോസിസ് എന്ന് ജ്യോത്സന പറഞ്ഞു. ടെഡ് എക്സ് ടോക്സില് സംസാരിക്കുകയായിരുന്നു താരം. ഓട്ടിസത്തെ കുറിച്ച് ആളുകളില് അവബോധം ഉണ്ടാക്കാനാണ് ഈ തുറന്നു പറച്ചിലെന്നും ജ്യോത്സന കൂട്ടിച്ചേര്ത്തു. ജീവിതത്തിലെ ഒരു ഘട്ടത്തില് എല്ലാത്തില് നിന്നും ഓടി രക്ഷപ്പെടാമെന്ന് തോന്നിയതിനെ തുടര്ന്ന് ലണ്ടനിലേക്ക് പോയി. അവിടെ വച്ച് ഒരു കോഴ്സിന്റെ ഭാഗമായുണ്ടായ സംശയങ്ങളെ തുടര്ന്ന് മാനസിക രോഗ വിദഗ്ദ്ധനെ കാണുകയായിരുന്നു. അങ്ങനെ നടത്തിയ പരിശോധനയിലാണ് ഓട്ടിസം ഉണ്ടെന്ന് സ്ഥിരീകരിച്ചത്
ജീവിതത്തിന്റെ ഒരു ഘട്ടത്തില് എല്ലാത്തില് നിന്നും ഓടി രക്ഷപ്പെടണമെന്ന് തോന്നുകയും അങ്ങനെ യുകെയിലേക്ക് പോവുകയും ചെയ്തെന്ന് ഗായിക പറഞ്ഞു. അവിടെ വച്ച് ഒരു കോഴ്സ് പഠിക്കാന് തുടങ്ങുകയും അത് തന്നെക്കുറിച്ച് ചില സംശയങ്ങള് ഉണ്ടാക്കുകയും അങ്ങനെ മാനസികരോഗ വിദഗ്ധനെ കാണുകയുമായിരുന്നെന്നും ജ്യോത്സന പറഞ്ഞു. തുടര്ന്ന് നടത്തിയ പരിശോധനയിലാണ് ഓട്ടിസം ഉണ്ടെന്ന് സ്ഥിരീകരിക്കുന്നത്. ഉറപ്പിക്കാനായി മൂന്നുതവണ പരിശോധന നടത്തിയെന്നും ഗായിക വ്യക്തമാക്കി.
ഞാന് ഹൈ മാസ്കിംഗ് ഓട്ടിസ്റ്റിക് അഡള്ട്ട് ആണ്. ഇവളെന്താണ് പറയുന്നത്, ഇവളെ കണ്ടാല് ഓട്ടിസ്റ്റിക് ആണെന്ന് പറയില്ലല്ലോ എന്ന് നിങ്ങളില് മിക്കവരും ചിന്തിക്കുന്നുണ്ടാകും. അത് ഓട്ടിസത്തെക്കുറിച്ച് അറിയാത്തതു കൊണ്ടാണ്. ചിലര് പറയും നമ്മളെല്ലാവരും കുറച്ച് ഓട്ടിസ്റ്റിക് ആണെന്ന്. അല്ല, ഒന്നെങ്കില് നിങ്ങള് ഓട്ടിസ്റ്റിക് ആണ്, അല്ലെങ്കില് ഓട്ടിസ്റ്റിക് അല്ല. വ്യത്യസ്തമായ രീതിയില് ലോകത്തെ കാണുകയും മനസിലാക്കുകയും ഉള്ക്കൊള്ളുകയും ചെയ്യുക എന്നതാണ് ഓട്ടിസം''
''ഓട്ടിസം കണ്ടു പിടിച്ച ആ നിമിഷം എന്നെക്കുറിച്ച് എനിക്കുണ്ടായിരുന്ന ഒരുപാട് ചോദ്യങ്ങള്ക്ക് മറുപടി ലഭിച്ചു. എന്തുകൊണ്ടാണ് എനിക്ക് ചുറ്റും സംഭവിക്കുന്ന കാര്യങ്ങളില് ഞാന് ഇത്രയും സെന്സിറ്റിവാകുന്നത്? എന്തുകൊണ്ടാണ് ഞാന് എല്ലാം വളരെ ആഴത്തില് അനുഭവിക്കുന്നത്? എനിക്ക് ചുറ്റുമുള്ളവരെല്ലാം പറഞ്ഞിട്ടും എന്തുകൊണ്ട് എനിക്ക് എല്ലാം എളുപ്പത്തിലെടുക്കാന് സാധിക്കുന്നില്ല?' സോഷ്യല് ആംഗ്സൈറ്റിയെന്ന് ഞാന് കരുതിയിരുന്നത് യഥാര്ത്ഥത്തില് സെന്സറി ഓവര്ലോഡ് എന്ന അവസ്ഥയായിരുന്നു. ബേണ് ഔട്ടായി ഞാന് മനസിലാക്കിയത് യഥാര്ത്ഥത്തില് ഓട്ടിസ്റ്റിക് ഷട്ട് ഡൗണ് ആയിരുന്നു. ന്യൂറോ ടിപ്പിക്കല് ആളുകള് അവര്ക്കായി നിര്മ്മിച്ച ലോകത്തിന്റെ ഭാഗമായി മാറാന് വര്ഷങ്ങളുടെ ചെയ്ത മാസ്കിംഗിന്റെ ഫലമായിരുന്നു എല്ലാം'' എന്നും താരം പറയുന്നു.'
https://www.facebook.com/Malayalivartha
