കല്യാണി പ്രിയദര്‍ശന്‍ പ്രധാന കഥാപാത്രത്തില്‍ എത്തിയ ചിത്രമാണ് ചാപ്റ്റര്‍ 1 ചന്ദ്ര. ദുല്‍ഖര്‍ സല്‍മാന്‍ നിര്‍മ്മിച്ച ചാപ്റ്റര്‍ 1 ചന്ദ്ര ലോകമെമ്പാടുമായി 300 കോടി രൂപ കളക്ഷനോടെ വന്‍ വിജയം നേടിയിരുന്നു. ഇപ്പോഴിതാ പിതാവായ പ്രിയദര്‍ശനില്‍ നിന്ന് പഠിച്ച പാഠങ്ങളെക്കുറിച്ച് സംസാരിക്കുകയാണ് കല്യാണി.

'ജോലിയോടുള്ള ആത്മാര്‍ത്ഥത വളരെ കൂടുതലുള്ളയാളാണ് അദ്ദേഹം. ഞാന്‍ കുട്ടിയായിരിക്കുമ്പോള്‍ മുതല്‍ അദ്ദേഹം ജോലി ചെയ്യുന്നത് കാണുന്നുണ്ട്. ആത്മാര്‍ത്ഥതയോടെയാണ് ഓരോ സിനിമയും അദ്ദേഹം ചെയ്യുന്നത്. ഇപ്പോള്‍ അദ്ദേഹത്തിന് പ്രായമായി. എന്നാല്‍ അതൊന്നും ശ്രദ്ധിക്കാതെയാണ് മണിക്കൂറുകളോളം ഷൂട്ട് ചെയ്യുന്നത്. എന്നോടൊപ്പം ജോലി ചെയ്യുന്നവരെക്കൊണ്ട് ഒരിക്കലും ജോലിയില്‍ തനിക്ക് മടിയുണ്ടെന്ന് പറയാന്‍ അനുവദിക്കില്ല. കാരണം ഏത് സാഹചര്യത്തിലും ജോലി ആത്മാര്‍ത്ഥതയോടെയും ഒരു മടിയുമില്ലാതെ ചെയ്ത പിതാവിനെയാണ് താന്‍ പിന്തുടരുന്നതെന്നും . കല്യാണി പ്രിയദര്‍ശന്‍ പറഞ്ഞു.

'നൂറു ഡിഗ്രി പനിയുള്ളപ്പോഴും, സൂപ്പര്‍ ചൂടുള്ള ചായ കുടിച്ച്, വിറച്ചു കൊണ്ട്, മൈക്ക് പിടിച്ച്, ഇപ്പോഴും 'ആക്ഷന്‍' പറയുന്ന അച്ഛനെ ഞാന്‍ കണ്ടിട്ടുണ്ട്. രാത്രി 10:30ന് പോലും സെറ്റില്‍ കാര്യങ്ങള്‍ മനസിലാക്കാന്‍ ശ്രമിക്കുന്നതും ഷൂട്ട് ചെയ്യുന്നതുമാണ് ഞാന്‍ കണ്ടിട്ടുള്ളത്. അതുകൊണ്ടാണ് ജോലിയോടുള്ള ആത്മാര്‍ത്ഥ പിതാവില്‍ നിന്ന് തന്റെയും ഭാഗമായതെന്ന് നടി പറഞ്ഞു.