അടുത്തിടെയായി യുവാക്കളുടെ സെല്‍ഫി ഭ്രമം കൂടുകയാണ്. പലരും ഔചിത്യ മര്യാദപോലും മറന്നാണ് സെലിബ്രിറ്റികളുടെ പിന്നാലെ സെല്‍ഫിക്ക് പായുന്നത്. അമിതാബച്ചന്‍ കഴിഞ്ഞയാ്ച മുംബയിലെ ഒരു ഹോട്ടലില്‍ കുടുംബത്തോടൊപ്പം ഡിന്നറിന് പോയി. ഇടയ്ക്ക് ബാത്ത് റൂമില്‍ കയറി. അപ്പോള്‍ റസ്റ്റ് റൂമില്‍ കുറേ ചെറുപ്പക്കാരുണ്ടായിരുന്നു. അവര്‍ സൊറ പറഞ്ഞ് നില്‍ക്കുകയായിരുന്നു. ബച്ചനെ കണ്ടതും എല്ലാവരുടെയും ശ്രദ്ധ പുള്ളിക്ക് നേരെയായി. എല്ലാവരുടെയും കയ്യില്‍ സെല്‍ ഫോണുകളുണ്ടായിരുന്നു. ചിലര്‍ താരത്തിന്റെ ഫോട്ടോ എടുത്തു. അദ്ദേഹം ഒന്നും പറഞ്ഞില്ല.

എന്നാല്‍ ചെറുപ്പക്കാരില്‍ ചിലര്‍ ബെച്ചനൊപ്പം സെല്‍ഫി എടുക്കാന്‍ ശ്രമിച്ചതോടെ അദ്ദേഹം ക്ഷുഭിതനായി. ഇത് ബുത്ത് റൂമാണ്, നിങ്ങള്‍ പുറത്തേക്ക് നില്‍ക്കണമെന്ന് അദ്ദേഹം ആവശ്യപ്പെട്ടു. സ്വല്‍പം നീരസത്തോടെയാണ് പറഞ്ഞത്. കുട്ടികളും യുവാക്കളും പലപ്പോഴും സ്ഥലകാല ബോധമില്ലാതെയാണ് പെരുമാറുന്നതെന്ന് താരം പറഞ്ഞു. ബാത്ത് റൂമില്‍ പോയ ശേഷം പുറത്ത് വന്ന താരം ചെറുപ്പക്കാരെ വിളിച്ച് സെല്‍ഫി എടുപ്പിച്ച ശേഷമാണ് എല്ലാവരെയും വിട്ടയച്ചത്. താരം അവരെ ഉപദേശിക്കാനും മറന്നില്ല. ഇത്തരം സെല്‍ഫി മോഹം വല്ലാത്ത അപകടത്തിലേക്കാണ് നിങ്ങുന്നതെന്നും ബച്ചന്‍ പറഞ്ഞു.

അടുത്തിടെ ഒരുസ്വകാര്യ പരിപാടിക്ക് ഹോട്ടലില്‍ എത്തിയ അക്ഷയ്കുമാറിനൊപ്പം നടന്ന് സെല്‍ഫി എടുക്കാന്‍ ശ്രമിച്ച യുവാവിന്റെ മുഖത്ത് അദ്ദേഹത്തിന്റെ അംഗരക്ഷകന്‍ ഇടിച്ചു. ആ വീഡിയോ വലിയ വയറലായിരുന്നു. താരങ്ങള്‍ക്കൊപ്പം സെല്‍ഫി എടുക്കുന്നതില്‍ തെറ്റില്ല. എന്നാല്‍ അതിന് സ്ഥലകാല ബോധം വേണമെന്ന് ബച്ചന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha