പത്തനാപുരത്ത് ഗണേഷ്‌കുമാറിന് വേണ്ടി തെരഞ്ഞെടുപ്പ് പ്രചരണത്തിനെത്തിയ മോഹന്‍ലാലിനേക്കാള്‍ ജഗദീഷിനെ വഞ്ചിച്ചത് പ്രിയദര്‍ശനാണെന്ന് ആക്ഷേപം. ഇരുവരുടെയും തിരുവനന്തപുരത്തുള്ള ചില സുഹൃത്തുക്കളാണ് ഇക്കാര്യം ഉന്നയിച്ചത്. മോഹന്‍ലാലിനേക്കാള്‍ അടുത്ത സുഹൃത്തായിരുന്നു പ്രിയദര്‍ശന്‍. ജഗദീഷും പ്രിയദര്‍ശനും ആട്‌സ് കോളജിലാണ് പഠിച്ചിരുന്നത്. അന്ന് കെ.എസ്.യുക്കാരനായിരുന്ന ജഗദീഷിനെ എസ്.എഫ്.ഐക്കാരുടെ സംഘട്ടനത്തില്‍ നിന്നും രക്ഷിച്ചിരുന്നത് പ്രിയദര്‍ശന്റെ പിതാവും അന്നത്തെ ലൈബ്രേറിയനുമായിരുന്ന ശിവനാണ്. ഇക്കാര്യം പ്രിയദര്‍ശന്‍ തന്നെ പറഞ്ഞിട്ടുണ്ട്.
സിനിമ സ്വപ്‌നം കണ്ട് നടന്ന കാലത്ത് പ്രിയദര്‍ശനും ജഗദീഷും ചേര്‍ന്നാണ് തിരുവനന്തപുരത്തുള്ള സകല തിയേറ്ററിലും ഒരുമിച്ച് സിനിമ കാണാന്‍ പോയിരുന്നത്. പിന്നീട് ജഗദീഷ് സിനിമയില്‍ വരാനും പ്രിയദര്‍ശന്‍ സഹായിച്ചു. പ്രിയദര്‍ശന്‍ ഹിന്ദി സിനിമകളില്‍ ഉള്‍പ്പെടെ ജഗദീഷിനെ അഭിനയിപ്പിച്ചു. ഏറ്റവും ഒടുവില്‍ തെരഞ്ഞെടുപ്പില്‍ മല്‍സരിച്ചപ്പോള്‍ എല്ലാ ആശംസകളും നേരുകയും ചെയ്തു. പത്തനാപുരത്ത് ഗണേഷ് കുമാറിന് വേണ്ടി വോട്ട് അഭ്യര്‍ത്ഥിക്കാന്‍ പോകില്ലെന്ന് പറഞ്ഞതുമാണ്. അതും തെറ്റിച്ചു.
ജഗദീഷ് മല്‍സരിക്കുന്നതിനാല്‍ മണിയന്‍പിള്ള രാജുവും സുരേഷ് കുമാറും ഇത്തവണ പത്തനാപുരത്ത് പ്രചരണത്തിന് പോകുന്നില്ലെന്ന് നേരത്തെ വ്യക്തമാക്കിയിരുന്നു. ആട്‌സ് കോളജില്‍ രാജുവും ജഗദീഷും ഒരുമിച്ച് പഠിച്ചതാണ്. കഴിഞ്ഞ തവണ മണിയന്‍പിള്ള രാജു ഗണേഷിന് വോട്ട് ചോദിച്ച് പോയിരുന്നു. അതേസമയം ബി.ജെ.പിയുടെ ഉടമസ്ഥതയിലുള്ള ജനം ടി.വിയുടെ ചെയര്‍മാന്‍ കൂടിയായ പ്രിയദര്‍ശന്‍ പത്തനാപുരത്ത് വോട്ട് പിടിക്കാന്‍ പോയതിനെതിരെ ബി.ജെ.പി, സംഘപരിവാര്‍ പ്രവര്‍ത്തകരും രംഗത്തെത്തിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha