സിദ്ധാര്‍ത്ഥ് ഭരതന്‍ ജീവിതത്തിലേക്കും സിനിമയിലേക്കുമുള്ള തിരിച്ചു വരവിനുള്ള തയ്യാറെടുപ്പിലാണ്. ജീവിതത്തിനും മരണത്തിനും ഇടയിലൂടെ കടന്നുപോകേണ്ടി വന്ന സിദ്ധാര്‍ഥ് അപകട ദിവസം ഓര്‍മിച്ചെടുക്കുകയാണ്. തൃപ്പൂണിത്തുറയിലുളള ഫഌറ്റിലേക്ക് വരുന്ന വഴിക്കായിരുന്നു അപകടം. ചമ്പക്കര പാലത്തിന് മുമ്പൊരു കപ്പേളയുണ്ട്. അവിടത്തെ വലിയ വളവിലെത്തിയപ്പോള്‍ എതിരെ ലോറി പാഞ്ഞുവന്നു.

ലൈറ്റ് ഡിം ചെയ്യാതെ ഡ്രൈവര്‍ അതെ വേഗത്തില്‍ തന്നെ ഓടിച്ചുവന്നു. ലൈറ്റ് കറക്ട് എന്റെ കണ്ണിലേക്കാണ് അടിക്കുന്നത്. ഞാന്‍ വണ്ടിയുടെ ഗ്ലാസ് താഴ്ത്തി. ഡിം അടിക്കെടാന്ന് പറഞ്ഞ് തെറിയും വിളിച്ചു. എനിക്കറിയാം ഈ ടേണ്‍ കഴിഞ്ഞാല്‍ വണ്ടി നേരെ എടുക്കണമെന്ന്. പക്ഷേ അതിനു പറ്റിയില്ല. നോക്കുമ്പോള്‍ നേരെ മുമ്പില്‍ മെട്രൊയ്ക്കുവേണ്ടിയുളള ഭിത്തി. പിന്നെ ഒന്നും ഓര്‍മ്മയില്ല. ബോധം വരുമ്പോള്‍ അമ്മ അടുത്തിരുന്ന് കരയുന്നുണ്ട്. ഒരുപാട് പേരുടെ പ്രാര്‍ത്ഥനകളാണ് തന്നെ രക്ഷിച്ചതെന്നും സിദ്ധാര്‍ത്ഥ് പറഞ്ഞു.

എഴുത്തുകാരന്‍ ആനന്ദ് നീലകണ്ഠനുമായി ചേര്‍ന്നൊരുക്കുന്ന ചിത്രത്തിന്റെ പണിപ്പുരയിലാണ് സിദ്ധാര്‍ത്ഥ്. ചിത്രത്തില്‍ ജയസൂര്യ നായകനാകുമെന്നാണ് സൂചന. ഈ വര്‍ഷം അവസാനത്തോടെ ഷൂട്ടിങ് തുടങ്ങുമെന്നും സിദ്ധാര്‍ത്ഥ് വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha