കട്ടിലില് ബ്രാ കിടക്കുന്നത് പോലും സെന്സര് ബോര്ഡിന്റെ കണ്ണില് അശ്ലീലമോ? കങ്കണ
ബോളിവുഡ് ചിത്രം ഉഡ്താ പഞ്ചാബിന് മേലുള്ള സെന്സര് ബോര്ഡ് നടപടികള്ക്കെതിരെ പ്രതിഷേധം തുറന്ന് പറഞ്ഞ് നടി കങ്കണ റാണൗട്ട്. താനൊരു സംവിധായികയോ നിര്മ്മാതാവോ അല്ലെങ്കിലും ഒരു സിനിമ പിറവി കൊള്ളുന്നതിന് പിന്നിലെ ബുദ്ധിമുട്ട് നന്നായി അറിയാമെന്ന് കങ്കണ പ്രതികരിച്ചു. ദേശീയ പുരസ്കാരത്തിന് അര്ഹമായ ക്വീന് എന്ന ചിത്രത്തില് കട്ടിലില് ഒരു ബ്രാ കിടക്കുന്ന രംഗം പോലും സെന്സര് ബോര്ഡിന്റെ കണ്ണില് അശ്ലീലമായി മാറിയിരുന്നതായി കങ്കണ പറഞ്ഞു.
പ്രമുഖ ദേശീയ ചാനലിന്റെ പുരസ്കാരദാന ചടങ്ങിനെത്തിയ കങ്കണയുമായി നടത്തിയ ചോദ്യോത്തര പരിപാടിക്കിടെയാണ് നടി സെന്സര് ബോര്ഡിന്റെ തെറ്റായ നയങ്ങള്ക്കെതിരെ തുറന്നടിച്ചത്. ക്വീനില് ഒരു രംഗത്തില് കട്ടിലില് അലക്ഷ്യമായി ഒരു ബ്രാ കിടക്കുന്ന രംഗമുണ്ടായിരുന്നു. എന്നാല് സെന്സര് ബോര്ഡ് വളരെ നെഗറ്റീവായി ആ രംഗത്തെ കണ്ടുവെന്നും ബ്രായെ മറക്കുന്ന രീതിയില് സീന് മാറ്റണമെന്നും സംവിധായകന് സെന്സര് ബോര്ഡ് നിര്ദേശം നല്കുകയായിരുന്നു.
ഷൂട്ടിംഗ് കഴിഞ്ഞ് വളരെ നാളുകള്ക്ക് ശേഷം ഇത്തരം മാറ്റങ്ങള് വേണമെന്ന് സെന്സര് ബോര്ഡ് ആവശ്യപ്പെട്ടാല് എങ്ങനെ അത് പ്രാവര്ത്തികമാകുമെന്ന് നടി ചോദിക്കുന്നു. ബ്രായുടെ ഉപയോഗം എങ്ങനെ അശ്ലീലമാകുമെന്നും സമൂഹത്തിന് അത് ദോഷം ചെയ്യുമെന്ന് താന് വിശ്വസിക്കുന്നില്ലെന്നും കങ്കണ കൂട്ടിച്ചേര്ത്തു.
ഷാഹിദ് കപൂര് നായകനാകുന്ന ഉഡ്താ പഞ്ചാബിലെ 89 രംഗങ്ങള് നീക്കം ചെയ്യണമെന്ന് ആവശ്യപ്പെട്ട സെന്സര് ബോര്ഡ് നടപടി ഇപ്പോള് വലിയ വിവാദത്തിലാണ്. സിനിമാലോകം ഒന്നടങ്കം സെന്സര് ബോര്ഡിന്റെ തെറ്റായ നയങ്ങള്ക്കെതിരെ പ്രതിഷേധം അറിയിച്ചു കഴിഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
