എല്ലാം നഷ്ടപ്പെട്ടെന്ന് കരുതിയിരിക്കുമ്പോഴാണ് ദൈവ ദൂതരായി മാധ്യമങ്ങളെത്തിയത്. അതുവഴി മമ്മൂക്കയും വാര്‍ത്തയറിഞ്ഞു. പിന്നെ താമസിച്ചില്ല. സാന്ത്വനമായി മമ്മൂട്ടിയുടെ ഫോണ്‍ വിളിയും. അങ്ങനെ
വിജയകരമായ ശസ്ത്രക്രിയക്കുശേഷം സുഖം പ്രാപിച്ച ലേഖാ നമ്പൂതിരിയെ വാര്‍ഡിലേക്ക് മാറ്റും. ശസ്ത്രക്രിയക്ക് തൊട്ടുമുമ്പ് തന്റെ ഇഷ്ട നടനും വൃക്കദാനത്തില്‍ മാതൃകയുമായ മമ്മുട്ടിയുടെ ഫോണ്‍ വിളിയെത്തിയതോടെ ആ വാക്കുകള്‍ കേട്ട് സന്തോഷവതിയായാണ് ലേഖ ഇന്നലെ ഓപ്പറേഷന്‍ ടേബിളിലെത്തിയത്.
ശസ്ത്രക്രിയയോടെ എല്ലാം ഭേദമാകുമെന്ന് ആശ്വസിപ്പിച്ച മമ്മൂട്ടി വേഗം സുഖം പ്രാപിക്കട്ടെയെന്ന ആശംസിക്കുകയും തന്റെ സുഹൃത്ത് വഴി ഒരുലക്ഷം രൂപയുടെ ചെക്ക് ആശുപത്രിയില്‍ എത്തിക്കുകയും ചെയ്തു. താമസിയാതെ നേരിട്ടുകാണാന്‍ എത്തുമെന്നും തന്റെ പ്രാര്‍ത്ഥനകള്‍ കൂട്ടുണ്ടെന്നും അറിയിച്ചതോടെ ലേഖയ്ക്ക് ആഹ്‌ളാദം അടക്കാനായില്ല.
വൃക്കദാനത്തിന്റെ മഹനീയമാതൃക സമൂഹത്തിനു പകര്‍ന്നു നല്കിയ മാവേലിക്കര ചെട്ടികുളങ്ങര കണ്ണമംഗലം വടക്ക് അശ്വതിയില്‍ ലേഖ എം നമ്പൂതിരി(31)യുടെ ശസ്ത്രക്രിയ കോഴിക്കോട് ആസ്റ്റര്‍ മിംസ് ആശുപത്രിയില്‍ ഇന്നലെയാണ് പൂര്‍ത്തിയാക്കിയത്. ശസ്ത്രക്രിയ വിജയകരമാണെന്ന് ആശുപത്രി അധികൃതര്‍ അറിയിച്ചതോടെ കുടുംബവും സന്തോഷത്തിലാണ്.
വ്യാഴാഴ്ചയായിരുന്നു ലേഖയെ ആസ്റ്റര്‍ മിംസില്‍ പ്രവേശിപ്പിച്ചത്. ഇന്നലെ രാവിലെ ഒന്‍പതോടെ തുടങ്ങിയ ശസ്ത്രക്രിയ പന്ത്രണ്ടോടു കൂടി അവസാനിച്ചു. നട്ടെല്ല് രോഗവിദഗ്ധന്‍ ഡോ. സുരേഷ് പിള്ളയുടെ നേതൃത്വത്തിലുള്ള സംഘമാണ് ശസ്ത്രക്രിയ നിര്‍വഹിച്ചത്. ഒരു വീഴ്ചയെ തുടര്‍ന്ന് നട്ടെല്ലിന്റെ കശേരുക്കളിലുണ്ടായ തകരാറുമൂലം കാലിലേക്കുള്ള രക്തപ്രവാഹം തടസപ്പെട്ട് പരസഹായമില്ലാതെ നടക്കാന്‍ പോലുമാകാത്ത അവസ്ഥയിലായിരുന്നു ലേഖ. നേരത്തെ സ്വകാര്യ ആശുപത്രിയില്‍ നടത്തിയ ചികിത്സയില്‍ രോഗകാരണം സ്ഥിരീകരിച്ചുവെങ്കിലും സാമ്പത്തിക ബുദ്ധിമുട്ടുകള്‍ കാരണം തുടര്‍ ചികിത്സ നടത്താനാകാതെ ആശുപത്രി വിടുകയായിരുന്നു.
ഇക്കാര്യം വാര്‍ത്തയായതോടെ ചികിത്സയ്ക്ക് സര്‍ക്കാരും സഹായവാഗ്ദാനം നല്‍കിയിരുന്നു. എന്നാല്‍ ശസ്ത്രക്രിയ വൈകിക്കരുതെന്ന വൈദ്യോപദേശം ഉണ്ടായതിനാല്‍ ഉടന്‍ അതിന് തീരുമാനിക്കുകയായിരുന്നു.
ഇതു പ്രകാരമാണ് ലേഖയെ കോഴിക്കോട് ആസ്റ്റര്‍ മിംസിലെത്തിച്ചത്. ആശുപത്രിയിലെ സീനിയര്‍ കണ്‍സള്‍ട്ടന്റ് സ്‌പൈനല്‍ സര്‍ജനായ ഡോ. സുരേഷ് എസ് പിള്ളയുടെ നേതൃത്വത്തിലുള്ള വിദഗ്ധ ഡോക്ടര്‍മാരാണ് ശസ്ത്രക്രിയ നിര്‍വഹിച്ചത്.
2012 നവംബര്‍ 15നാണു പട്ടാമ്പി സ്വദേശിയായ ഷാഫിക്കു സ്വന്തം വൃക്ക നല്‍കി ലേഖ എം നമ്പൂതിരി അവയവദാനത്തില്‍ മാതൃകയായത്. മമ്മുട്ടിയുടെ ലൗഡ്‌സ്പീക്കര്‍ സിനിമയിലെ മൈ്ക്ക് എന്ന കഥാപാത്രം മാതൃകയായതോടെയായിരുന്നു ലേഖയുടെ വൃക്കദാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha