സുകുമാരനില് തുടങ്ങിയ വിലക്ക് ഇന്നും തുടരുന്നു
കൊച്ചിയില് മലയാള സിനിമയില് ആദ്യം വിലക്ക് നേരിട്ട നടന് സുകുമാരനാണ്. മമ്മൂട്ടിയും സുകുമാരനും തമ്മിലുണ്ടായ അഭിപ്രായ വ്യത്യാസത്തെ തുടര്ന്നാണ് സുകുമാരനെ വിലക്കിയത്. എന്നാല് ആരെയും കൂസാത്ത വ്യക്തിത്വത്തിനുടമയായ സുകുമാരന് അതിനെ ശക്തമായി നേരിട്ടു. പിന്നീട് തിരുവനന്തപുരം കോക്കസിന്റെ കളിയെ തുടര്ന്ന് നടന് തിലകനെ പല സിനിമകളില് നിന്നും ഒഴിവാക്കാന് തുടങ്ങി. കിരീടത്തില് മോഹന്ലാലിനേക്കാള് മുകളിലാണ് തിലകന്റെ അഭിനയം അതിനാല് തിലകനൊപ്പം അഭിനയിക്കരുതെന്ന് സുഹൃത് വലയത്തിലുള്ള പലരും ആവശ്യപ്പെട്ടെങ്കിലും മോഹന്ലാല് അതിന് വഴങ്ങിയില്ല. പിന്നീട് തിലകന്റെ കുടുംബസമേതം എന്ന സിനിമ സംസ്ഥാന അവാര്ഡ് സമിതിക്ക് മുന്നിലെത്തിക്കാതെ തിരുവനന്തപുരം ലോബി കളിച്ചു. അതിലെ പ്രധാനിയായ നടന് ഇന്ന് ടി.വി ചാനലുകളില് അവതാരകനായി അലഞ്ഞ് തിരിയുകയാണ്.
പിന്നീട് സുകുമാരന്റെ മകന് പൃഥ്വിരാജിനെ വിലക്കാനും ഒതുക്കാനും ശ്രമം നടന്നു. സൂപ്പര്താരങ്ങളുടെ അപ്രമാദിത്വത്തിനെതിരെ പരസ്യപ്രതികരണം നടത്തുകയും സാങ്കേതികവിദഗ്ധരുടെ ശരികേടുകള് ചൂണ്ടിക്കാണിക്കുകയും ചെയ്തതോടെ സംവിധായകന് വിനയനെ എട്ട് വര്ഷം വിലക്കി. ഇതിന് അമ്മയും ഫെഫക് കയുടെ നേതാക്കളും വിനയന് പിഴ കൊടുക്കേണ്ടി വന്നു. ദേശീയ കോമ്പറ്റീഷന് കമ്മീഷന് ഉത്തരവിന്റെ ഭാഗമായായിരുന്നു. വിലക്കിന്റെ ഭാഗമായി വിനയന് സിനിമയില് കൊണ്ടുവന്ന താരങ്ങള് ഉള്പ്പെടെ അദ്ദേഹത്തോട് സഹകരിച്ചിരുന്നില്ല.
പിന്നീട് പലരെയും പല രീതിയില് ഒതുക്കുകയും രഹസ്യമായി വിലക്കകയും ചെയ്തിട്ടുണ്ട്. തന്നെ ഒരു നടന് സിനിമയില് നിന്ന് വിലക്കിയതായി പ്രശസ്ത നടി അടുത്തിടെ വെളിപ്പെടുത്തിയിരുന്നു. വിലക്കിനെ ഭയന്ന് വലിയ താരങ്ങളല്ലാത്തവരെല്ലാം തങ്ങളുടെ കരിയറിനെ ഓര്ത്ത് മിണ്ടാതെ കഴിയുകയാണ്. എന്നാല് ഒരിക്കല് ഇവരെല്ലാം പൊട്ടിത്തെറിക്കും എന്നുറപ്പാണ്.
https://www.facebook.com/Malayalivartha
