കലാഭവന് മണിയുണ്ടായിരുന്നെങ്കില് ഇങ്ങനെ വരില്ലായിരുന്നു എന്ന് നാദിര്ഷ
ചലച്ചിത്ര താരവും തന്റെ പ്രിയ സുഹൃത്തുമായ കലാഭവന് മണി ഇപ്പോള് ജീവിച്ചിരുന്നുവെങ്കില് തങ്ങളുടെ നിരപരാധിത്വം തെളിയിക്കാന് മുന്പന്തിയില് ഉണ്ടാകുമായിരുന്നുവെന്ന് സംവിധായകന് നാദിര്ഷ പറഞ്ഞു. മണി മരിച്ചതോര്ക്കാതെ താന് കഴിഞ്ഞ ദിവസം അദ്ദേഹത്തിന്റെ ഫോണിലേക്ക് വിളിച്ചു നോക്കിയതായും നാദിര്ഷ തന്റെ ഫെയ്സ്ബുക്കിലെഴുതിയ കുറിപ്പില് പറയുന്നു. കലാഭവന് മണിയുടെ മൃതദേഹത്തിന്റെ കൂടെ നടന് ദിലീപിനൊപ്പം നില്ക്കുന്ന ചിത്രത്തിനൊപ്പമാണ് നാദിര്ഷായുടെ കുറിപ്പ്.
കൊച്ചിയില് യുവനടി ആക്രമണത്തിനിരയായ സംഭവവുമായി ബന്ധപ്പെട്ട് നടന് ദിലീപിനെയും സംവിധായകന് നാദിര്ഷായെയും പൊലീസ് ചോദ്യം ചെയ്തിരുന്നു. കേസില് പിടിയിലായ പ്രതി പള്സര് സുനി ജയിലില് നിന്നെഴുതിയ കത്തിന്റെ അടിസ്ഥാനത്തിലാണ് ഇവരെ ചോദ്യം ചെയ്തത്. അതേസമയം, കേസ് അന്തിമഘട്ടത്തിലേക്ക് കടക്കുകയാണെന്നും ഇന്ന് നിര്ണായക തീരുമാനങ്ങള് ഉണ്ടാകുമെന്നാണ് റിപ്പോര്ട്ടുകള്.
https://www.facebook.com/Malayalivartha
