'പ്രമുഖ നടന്' സിനിമയാകുന്നു; സംവിധാനം ബൈജു കൊട്ടാരക്കര
നടിക്കെതിരെയുള്ള ആക്രമണവും, ഗൂഢാലോചനയും വെള്ളിത്തിരയിലെത്തുന്നു. 'പ്രമുഖനടന്' എന്നാണ് സിനിമയുടെ പേര്. സംവിധായകന് ബൈജു കൊട്ടാരക്കര സംവിധാനം ചെയ്യുന്ന ചിത്രത്തിന്റെ അണിയറ പ്രവര്ത്തനങ്ങള് ആരംഭിച്ചു കഴിഞ്ഞു. മുഖ്യമായും പുതുമുഖങ്ങളെയും, യുവ തലമുറ നടീ നടന്മാരെയും ഉള്പ്പെടുത്തിയാണ് സിനിമ.
ചില ഗള്ഫ് വ്യവസായികളാണ് പണം മുടക്കുന്നത്. കേരളത്തിലും, ഇന്ത്യന് സിനിമാലോകത്തും ഏറെ കോളിളക്കമുണ്ടാക്കിയ കേസ് വലിയൊരു ക്രൈം തില്ലറാണ്. മലയാളത്തിലെ പ്രമുഖ നടനായ ദിലീപിനെയും, സംവിധായകന് നാദിര്ഷയെയും ആരോപണ വിധേയരാക്കിയ ഈ കേസില് ഇനിയും സത്യം പുറത്തുവന്നിട്ടില്ല. പോലീസ് സേനയിലെ ഉന്നതരുടെ ചക്കളത്തിപ്പോരും, സിനിമാലോകത്തെ അപചയങ്ങളും, ലൈംഗിക ചൂഷണങ്ങളും പ്രമേയമാക്കുന്ന സിനിമ വന് വിവാദമായി മാറുമെന്ന് ഉറപ്പാണ്.
'ഉദയനാണ് താരം' എന്ന ശ്രീനിവാസന് മോഹന്ലാല് ചിത്രത്തിനുശേഷംപൂര്ണ്ണമായും സിനിമാലോകം വിഷയമാക്കിയുള്ള സിനിമ മീഡിയം ബഡ്ജറ്റിലാണ് പ്ലാന് ചെയ്തിരിക്കുന്നത്. തിരക്കഥ, ക്യാമറ തുടങ്ങിയ മേഖലകളില് മലയാളത്തിലെ പ്രഗത്ഭര് തന്നെയാണ് സിനിമയ്ക്കുവേണ്ടി പ്രവര്ത്തിക്കുന്നത്. എന്നും സത്യം അറിയുവാന് ആഗ്രഹിക്കുന്ന മലയാളികള് തന്റെ സിനിമ ഇരു കൈനീട്ടി സ്വീകരിക്കുമെന്ന് ഉറപ്പാണെന്ന് ബൈജു കൊട്ടാരക്കര മലയാളി വാര്ത്തയോട് പറഞ്ഞു.
https://www.facebook.com/Malayalivartha