സിനിമാ ലോകത്തെ മാഫിയ ബന്ധം പുറത്തുവരുമ്പോള് ശ്രീനാഥിന്റെ മരണത്തില് പുനരന്വേഷണം വേണമെന്ന ആവശ്യം ശക്തമാകുന്നു
2010 ഏപ്രില് ഇരുപത്തിമൂന്നാം തീയതി വെളുപ്പിന് കോതമംഗലത്തെ പ്രമുഖ ഹോട്ടല് മുറിയിലാണ് കഴുത്തില് നിന്നും കൈയില് നിന്നും രക്തം വാര്ന്ന നിലയില് ശ്രീനാഥിന്റെ ജഡം കാണപ്പെട്ടത്. ശിക്കാറില് അഭിനയിക്കാന് എത്തിയ ശ്രീനാഥിനെ മറ്റൊരു നടനു വേണ്ടി അണിയറക്കാരില് ചിലര് ഭീഷിണിപ്പെടുത്തി ഒഴിവാക്കുകയായിരുന്നെന്നും ഇതിനേത്തുടര്ന്നുള്ള മാനക്കേടും മാനസീക പിരിമുറുക്കവും മൂലം ശ്രീനാഥ് ആത്മഹത്യ ചെയ്യുകയായിരുന്നെന്നാണ് പരക്കെ ഉയര്ന്നിട്ടുള്ള ആരോപണം.
ശ്രീനാഥിന്റെ ബന്ധുക്കളും സുഹൃത്തുക്കളും മരണശേഷം ഇത്തരത്തില് മാധ്യമങ്ങളോട് പ്രതികരിക്കുകയും ചെയ്തിരുന്നു. പോലീസ് അന്വേഷണത്തിലും പോസ്റ്റ്മോര്ട്ടം റിപ്പോര്ട്ടിലും ശ്രീനാഥിന്റെ മരണം ആത്മഹത്യയാണെന്നാണ് സ്ഥിരീകരിച്ചിട്ടുള്ളത്. എന്നാല് ഇദ്ദേഹത്തിന്റെ മരണത്തിനിടയാക്കിയ സാഹചര്യം അന്വേഷിക്കുന്നതിനോ ഉത്തരവാദികളായവര്ക്കെതിരെ നടപടി സ്വീകരിക്കുന്നതിനോ പൊലീസ് തയ്യാറായില്ലെന്നും ഇത് ഒരുജീവന് നഷ്ടപ്പെടാന് കാരണക്കാരായവരെ രക്ഷിക്കുന്നതിനായിരുന്നെന്നുമാണ് താനുള്പ്പടെ ശ്രീനാഥിന്റെ വേര്പാടില് വേദനിക്കുന്നവര് മനസ്സിലാക്കുന്നതും.
അതെ സമയം ഇപ്പോള് നടി ആക്രമിക്കപ്പെടുകയും ഇതിന് പിന്നില് പ്രമുഖനടന് ബന്ധമുണ്ടെന്ന് മുഖ്യപ്രതി പള്സര് സുനി വെളിപ്പെടുത്തുകയും ചെയ്ത സാഹചര്യത്തില് സിനിമയിലെ മാഫിയ ഇടപെടലിനെത്തുടര്ന്നുള്ള നടന് ശ്രീനാഥിന്റെ മരണത്തെക്കുറിച്ചും അന്വേഷണം നടത്തണമെന്നും കുറ്റക്കാര്ക്കെതിരെ നടപടി ഉണ്ടാവണമെന്നും ആവശ്യം ശക്തമാകുകയാണ്.
എന്നാല് ഇക്കാര്യത്തില് ചെറുവിരലനക്കാന് തയ്യാറാവാത്ത താര സംഘടന തയ്യാറായില്ലെന്നും ഇത് പ്രതിഷേധാര്ഹമാണെന്നും അന്ന് ചൂണ്ടികാണിക്കപ്പെട്ടിരുന്നു. ഇന്ന് നടി ആക്രമിച്ച വിഷയത്തിലും നടന്മാരില് ചിര്ക്കുണ്ടായ ദുരനുഭവങ്ങളിലും ഈ സംഘടന തുടരുന്ന നയം ഇത് തന്നെയാണെന്നും ഭാവിയില് ഇത്തരം സംഭവങ്ങള് ആവര്ത്തിക്കാതിരിക്കാന് വേണ്ടി കൂടി ഇത്തരം സംഭവങ്ങള്ക്ക് പിന്നിലെ മാഫിയ ബന്ധങ്ങള് വെളിച്ചിത്തുകൊണ്ടുവന്നെ മതിയാവു.
https://www.facebook.com/Malayalivartha